الرئيسية / الأخبار / شاب سوري بتركيا يتحدث عن قصته بعد أن سرقت زوجته السورية الذهب بالتعاون مع والدها وهربت

شاب سوري بتركيا يتحدث عن قصته بعد أن سرقت زوجته السورية الذهب بالتعاون مع والدها وهربت

نشرت صفحة كوزال على الفيسبوك منشورا يتحدث فيه شاب سوري عن قصته بعد أن سرقته زوجته بالتعاون مع والدها وهربت .

ويقول الشاب في المنشور بالعامية :

انا عندي مشكلة وحبيت اتواصل معكن لتنشروها لحتى العالم تاخد حذرها وللاسف كتير عالم ومنن انا عم نتضرر منها

اخي تزوجت من سنة تقريبا من عائلة سورية وانا مقيم مع اهلي ابي وامي واختي ولله الحمد عايشين صرلي بتركيا حوالي ٦ سنوات

وفرت خلال العمل بتركيا ٥٠ الف تركي اشتريت فين دهب ومخبين بالبيت بصندوق صغير وبعد الزواج شافتن حرمتي وقلتلا قصتن انو مخبين لغدر الزمان .

وبعد الزواج بحوالي ٤ شهور اجاني تليفون من ابوها لحرمتي وطلب مني بدو حرمتي تنام عندن يومين لانو مشان تساعد امها بتعزيل البيت لانو امها مابتحسن لوحدها قلتلو تمام براسي بوديها تاني يوم الضهر وديتها ع البيت لعندن كان يوم الاثنين .

ودقلي عمي ابوها لحرمتي وقلي يسلم ايديك ويوم الاربعاء اذا الله راد معزوم عنا ع العشا بتخلصو عشا وبتاخد مرتك وبتروحو قلتلو اذا الله راد .

وصار يوم الاربعاء المسا رحت ع البيت مالقيت حدا دقيت لعمي ولزوجتي ولاامها الخطوط مغلقة والبيت مافي حدا .

شافتني جارتن التركية قالتلي مافي حدا بالبيت اخدو اغراضن وانتقلو من البيت ليش مابتعرف قلتلا لا .

المهم رجعت ع البيت خبرت اهلي انو هيك القصة قالتلي امي شوف صندوق الدهب محلو قلبت البيت كلو مالقيتو وهيك لبعد شي جمعة وانا عم دقلن وابعتلن واتس وماسنجر مافي رد .

بعد اسبوع رد عمي على اتصال من ابي قلو ابي ليش هيك عملتو وبنتك سرقتنا وهربتو قلو بنتي ماعاد بدها ابنك والدهبات بعناهن واللي بيطلع ب ايدك ساويه .

المهم ضل الوالد عم يتفاوض معو انو يرجعلنا الدهبات مارضيو ابدا وبعدا بيومين دقلي البوليس وقالولي تفضل لعنا في شكوى ب اسمك .

رحت قالولي في شخص مشكتي عليك انو عم تهـ.ـددتو وتسبو قلتلن هاد عمي ابوها لزوجتي وحكيت هيك معو لانو سرقو مني دهب بقيمة ٥٠ الف .

وانا هلق بدي قدم شكوى عليه قالولي وين كتب كتاب المحكمة قلتلن مافي لانو اتزوجت باول ظهور الكورونا وكانت واقفة تحاليل الدم قلي الضابط مابتحسن تقدم شكوى لانو مافي كتب كتاب قلتلن في كتب كتاب شيخ قالولي مامعترف عليه بتركيا .

واذا بتقدم شكوى والقاضي بيعرف انو مافي كتب كتاب محكمة بتتعرض للسجن والمخالفة المالية والضابط وبقضية الشكوى اللي مقدمها عمي رح نتحقق منا اذا ثبت انو عم تهـ.ـددو كمان رح تتعرض للعقوبات

وماخليت محامي الا وسألتو نفس الكلام قالولي ياه

واحد المحامين عم احكيلو القصة واخد اسماء عمي وحرمتي فخبرني قلي انت ثالث شخص بيوقع مع هالعائلة وحكيت مع شخص منن وخبرني نفس قصتي عملوها فيه

المصدر : كوزال

شاهد أيضاً

من أجل الهاتف .. فتاة تركية قـ.ـاصر تقـ.ـتـ.ـل والدها ب 9 طـ.ـعنـ.ـات لسبـ.ـب صـ.ـادم دون ان تـ.ـند.م !!

من أجل الهاتف .. فتاة تركية قـ.ـاصر تقـ.ـتـ.ـل والدها ب 9 طـ.ـعنـ.ـات لسـ.ـبب صـ.ـادم دون …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *