الرئيسية / ألمانيا / طالب اوسبيلدونغ نيته الطيبة كلفته دفع 10 الاف يورو اليك التفاصيل

طالب اوسبيلدونغ نيته الطيبة كلفته دفع 10 الاف يورو اليك التفاصيل

تجربة طالب في قضية مهمة جداً وهي حقوق الملكية

هام جداً ، رح احكيكلم قصة صارت معي، واعتبروا يا أولي الأبصار

انا زلمة من كم شهر خلصت اوسبيلدونغ Büromanagementبالشهر السادس من هاي السنة في شخص نشر منشور ع كروب ألماني خاص بمجالي، وكتب بهالمنشور انو هو عندو كتاب مهم جدا للفحص الشفهي، وأنا كنت ع أبواب فحصي الشفهي.

راسلتو عالخاص وبعتلو عنوان الايميل تبعي مشان يبعتلي ياه، وبالفعل الكتاب مسحوب سكنر وهو ع شكل صفحة pdfنفس الشخص اجاه كذا تعليق ع منشورو وهو صار شي يرد وشي يطنش هالناس.

والكل يا حرام شكلن كانوا بحاجة هالكتاب فإجا محسوبكم (يشهد الله بكل نية صافية) قررت اني أعمل خير وأنشر هالكتاب وبلا منية هالشخصوهاد يلي صار.

نشرتو بتاريخ ٦ حزيران راحت الايام، خلصت فحصي ونجحت الحمدلله وبلشت شغل بتاريخ ٢٤ من شهر ١١

بيجيني بوست عالشغل الله لا يدوقو لحدا، شي ١٥ صفحةمختصر هالبوست اني انا بنشري لهالكتاب منتهك حقوق النشر، والجماعة تعبانين عالبريف يلي اجاني، مصورين صفحتي عالفيس وعاملين سكرين شوت للمنشور يلي انا ناشرو

طبعا انا لاني حاطط اسم شركتي عالفيس، فقدرو يلاقوها بسهولة عالنت، واسمي وصورتي حقيقيات ونفسهم ع صفحة شركتي.

فبكل سهولة بعتولي البريف ع عنوان الشغل.البريف كان من محامين عن أصحاب الكتاب يلي ادّعوا علي

طلبوا مني ٣ طلبات:

اولا حذف المنشور بأسرع وقت

تانيا توقيع تعهد بعدم نشر هالكتاب او ارسالو ولا بأي طريقة

تالتا وهون الصدمة… ١٩٥٠٠ يورو مخالفة بالاضافة لأتعاب محامي المدّعي، يعني التكلفة الاجمالية حوالي ٢١٥٠٠ يورو

هلا بفضل رب العالمين قدرت أطلع بأقل الخسائر، عن طريق توكيل محامي، قدرنا ننزل المبلغ ل اقل من النصف، يعني ١٠ الاف يورو.

مقصدي من المنشور، متل ما ذكرت فوق، اعتبروا يا أولي الألباب ولا تنشروا كتب أو اسئلة او اي شي انت شاكين انو ممكن يجيبلكم وجع راسالله لا يضر حدا

شاهد أيضاً

موقع ألماني يتحدث عن أقصر زواج عربي سبب الطلاق الغريب الذي وقع بالعرس

موقع ألماني يتحدث عن أقصر زواج عربي سبب الطلاق الغريب الذي وقع بالعرس سجل أقصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *