مشكلة احد الأشخاص تبحث عن حل عاجل

انا متجوزه بقالي 4سنين اقسم بالله ما شفت يوم حلو ف حياتي ابني عنده 3سنين وشهرين ومستحمله كل دا عشان خاطر ابني من يوم ما اتجوزت ماسمعتش

جوزي بيقولي كلمة حلوه بالعكس ان اتاخرت ف الطبيخ شوية يعملي مشكله ويكلم قرايبي ويقول انا جاي من الشغل جعان ويعملي مشاكل وان طبخت بدري وخلصت ميرداش ياكل

رغم انه بيروح الشغل ساعتين بس ف اليوم ان لبست طقم يكرهني ف الطقم ان حطيت حاجه ع وشي يعقدني في وشي ان لفيت الطرحة يكرهني ف الطرحة ويعلق ع لبسي و كله قدام مامته

ومامته القيها تعلق قصاده فيها اي لما انزل بي اسدال الصلاه عتد حماتي تقولي انتي نازله بي ليه مش جوزك بيزعقلك عليه اطلعي ولعي فيه ان لبست حاجة شيك ف الشقه لي جوزي القيه بيبصلي

من تحت لي فوق وحش ويقولي دك نيله عليكي وع اللي جيبينك رغم اننا قرايب جامد رغم اني مش وحشة كل ما البس حاجة يقولي وحشة بقيت بكره ابص ف المرايا بقيت كرها جسمي

وشكلي وحياتي و معتش راضي يخلف مني تاني لو اهلي اعطولي الموسم فلوس ياخدها ولو اخدت وما قلتلوش يقولي فين موسمك وف العيد اهلي بيعطولي بي 1500 عيديه

مش بيخليني امسكها وبتوصل انه بيمسكني المصحف واحلف اني مخدش غير كذا واني مش مخبيه حاجة منه لو عوزت طلب مش بيجبهولي باخد مره 100 من امي مره من ننتي مره من اخويا

وان ننتي اعطت لي ابني 100 قدامه واخدها اعينها القيه يزعقلي ويشتمني وياخدها انا تعبت غضبت كتير اوي وبابايا يرجعني عشان القرابه جوزي قالي انا مبطل الحب من 6سنين قبل ما اعرفك

البلكونات قافلها عليا ولو روحنا اتفسحنا عشان خاطر ابني ميرداش يمشي معايا لوحده ليجيب امه ليجيب حد قريبة معنا مش ولا يعطيلي فلوس حتا اشتري حاجه كان واخد مني الموييل

سنتين وكان قافل عني النت قالي عايزه تفتحي فيس هاتيلي 1500 وانا اخليكي تفتحيه اخدت فلوس من اهلي واعتتطهوله وخلاني افتحه بعد ما اززلتلله قولتله طب خليني افتح وتس اطمن

على ماما واخواتي قالي هاتيلي 1000 ج كمان وانا اخليكي تفتحي وتس قمت مصوته وقولتله اجبلك منين متشغلني احسن انا تعبت انا كرهت نفسي وحياتي انا بدعي ليل نهار ان ربنا ياخدني ويريحني منه بس برجع واقول اسيب ابني

لي مين محدش هياخد باله منه قدي انا واصلت لمرحله الوقتي بقيت بكرهو معتش بطيق اشوفه قدامي وبابايا مش راضي يطلقني واخواتي يقولولي لو اطلقتي انتي هناك كان واحد اللي بيحكمك احنا هنا 3هنحكمك تعبت ارجو الحل لي مشكلتي