قصة سامحيني يا ابنتي الغالية الجزء الخامس

عز :انا الظابط عز وده يوسف ابنى
وبصراحه كده جنى بنتها اتخطفت وهيا شاكه ان يكون حد منكم يكون وراء موضوع الخطف ده
امال فين جوزك وابنك ياحاجه
ردت الحاجه واللى كان ردها صاعقه ليهم وقالت جوزى وابني مسافرين من اربع ايام للصين بيتفقوا على بضاعه هيستوردوها من الصين
عز يعنى هما خارج البلد من ثلاث ايام ايوه وتقدر حضرتك تتأكد من كده واحنا ايه اللى هيحلينه نخطف بنت ابننا هى رهف حرمانه منها ولا حيشاها عنا لا أقدر الله
وبصت لرهف وقالت ما كنش العشم يا زوجة ابني الله يرحمه تتسمى اهله بخطف بنته بين خطف بنتك طير علقك منك بس على العموم لما بنتك ترجع أن شاء الله هيبقى لينا كلام تانى فى موضوع حضانة البنت ده وياريت تتفضلوا بقى من غير مطرود قبل ما حد يرجع سواء بنتى او زوجة ابنى التانيه بدون شوشرة وفضايح
عز لسه هيتكلم ويقول ليها يعنى انتى متأكده ياحاجه ان جوزك وابنك مالهمش علاقه بالموضوع ده
رهف وجدت صوره لوالد جوزها وابنه
اخدت يوسف قريب منها وقالت له حد من اللى فى الصوره دى اللى اخد جنى بنتي
لسه يوسف هيتكلم
والدت زوج رهف قالت جتك شاكه فى لسانك اننى لسه بتكرريها تانى قولت اتفضلوا
عز قال ليها يالا يارهف
رهف :ها يا يوسف رد عليا
يوسف :مش عارف اصل انا ما شوفتش وشه انا شوفته من الخلف
عز :يلا يارهف اديكى جيتى بنفسك
رهف لا انا مش همشي من غير بنتى ودخلت جرى على جوه تفتح فى الغرف وتنده على بنتها ياجنى ياجنى
بس مافيش اى حس ليها
لحد ما والدت زوجها دخلت وجابتها من جوه وقالت ليها تصدقى انتى بنت قليلة الذوق وانا هسكت بس لظروفك اللى انتى فيها وقامت دفعتها للخارج
وعز اخد يوسف وخرج وقال لرهف ما ينفعش كده احنا مش جايين نتهجم على بيوت الناس اللى يدخل بيوت الناس ويفتش اللى ليهم سلطه بكده واللى احنا قدمنا عندهم بلاغ إنما كده ما ينفعش انا طاوعتك وجيت معاكى عشان ظروف ضياع بنتك بس دى مش تصرفات يالا اتفضلي معايا واخدها ورجع الشقه
واول مادخلوا الشقه كان والدهم منتظر على نار وقال ها يااولاد ماوصلتوش لجديد طمنونى
عز:ولا جديد ولا قديم الموضوع اتعقد اكتر بعد كنا فاكرين اننا قربنا
والد عز :ليه يا ابنى انتوا مش كنتوا قايلين لى انكم شاكين فى اهل زوج رهف وعملتوا فيهم محضر بكده وانكم رايحين ليهم
عز:ايوه بس المفاجأه بقى ان والد زوج رهف وأخو زوجها مسافرين الصين من أربع ايام يعنى من قبل عملية خطف جنى بنتها
والد عز :طب وبعدين يعنى بكده النيابه مش هتقدر تتهمهم بخطفها
عز:ايوه طبعا مش عاوزه كلام دى
شويه ورن تليفون رهف وكان على الخط مروان
مروان:ايوه يارهف عملتى ايه لقيتى جنى بنتك ولا لسه
رهف:لا لسه يامروان لسه
مروان:دى حبيبه مراتى اتصلت عليا وقالت لى عجبك كده السنيوره بتاعتك جاتني ومتهمانى انى خطفت بنتها انتوا وصلتوا معاها لايه صحيح هى ليها علاقه بموضوع خطف بنتك ده
رهف:مش عارفه انا بقيت تايها ومش عارفه حاجه معلش يا مروان انا هقفل دلوقتى ماليش نفس اتكلم سلام
مروان:طب انتى فين يارهف لازم اكون جنبك فى وقت زى ده
رهف :هكلمك بعدين لما ارجع البيت سلام بقى
مروان:ماشي بس ابقى طمنيني لو فى جديد سلام
والد عز :مين اللى كان بيكلمك ده يارهف مش انتى بتقولى مالكيش حد
ولا ده حدد طلبه منه خدمه فى موضوع خطف بنتك
رهف:دا مروان اللى اتقدملى بعد وفاة زوجى
والد عز:اه اللى كنتوا شاكين ان مراته هى اللى وراء اختفاء جنى
عز:ايوه يا بابا هو
ورجع بص لرهف انتى كنت بتقولى انه بيحبك وهيحافظ عليكى انتى وبنتك دا مكلفش خاطره ينزل يلف معانا ولا حتى يجي معانا عند أهل زوجته
والد عز:الا صحيح اشمعنا ده اللى ما شكتوش فيه
رهف:تقصد أن مروان ممكن يكون وراء خطف جنى
لا لا مستحيل وهيعمل كده ليه ايه اللى هيعود عليه من خطفها وهو كمان كان لسه بيعرض عليه ييجى يكون جنبي فىةالظروف دي بس انا قولت له لا طبعا هيجي فين
لا لا كلام مش منطقى انه هو اللى يخطف بنتي
عز:هو صحيح مافيش سبب واضح يجعله يعمل كده بس الله واعلم كل شيء ممكن
رهف:طب يمكن جارتنا اللى كانت عوزانى أمشى من العماره
عز:لا صحيح غيرت الستات صعبه وتخليهم يعملوا حاجات مجنونه بس مش لدرجة خطف بنتك لا الاحتمال ده بعيد
رهف :امال مين طيب
والد :عز انا من رأي ما نستبعدش حد ايه رايكم كل واحد منكم يراقب حد من وقت للتانى من بعيد
رهف قالت فكره حلوه انا بس عاوزه ارجع شقتى يمكن يكون حد رجعها عند الشقه وقاعده عند الجيران ولا حاجه
عز :ليه هما مش معاهم رقمك
رهف :لا انا ماليش اختلاط بحد ومابديش رقمى لحد كان ممكن يكون معاهم رقم تليفون زوجى بس تليفونه مقفول وفى البيت من وقت وفاته
عز :عندك حق لازم تروحى هناك فعلا كان المفروض ده من وقت ضياعها
رهف:انا كان كل اللى جي فى بالى انى مامشيش من المكان اللى ضاعت فيه عشان يمكن ترجع فى نفس المكان وعلى امل انى أجدها
انا هستأذنك اخد معايا يوسف
فقال ليها ماشي وانا كمان جى معاكى
وقالت له معلش انا هرجع اقعد عندك تانى لأنى مش متخيله قعدتى فى شقتى وهيا مش فيها ولو قعدت فى الشقه لوحدى من غيرها ممكن يحصل لى حاجه ولا ممكن اتجنن
وفعلا اتجهوا إلى شقة رهف ولما وصلت هناك
كل حد منهم طلع على شقه فى العماره وسالوهم ماحدش يعرف حاجه عن جنى بنت استاذه رهف
لكن للأسف ما حدش يعرف عنها أي حاجه ورهف وهى بتسأل كل شقه اتصل عليها مروان عملتى ايه يا رهف فى اي جديد
رهف:لا للاسف يا مروان لسه مش لقياها
بس تعرف جنى اتخطفت ولسه هتقول له ان يوسف شاف اللى خطفها
قاطع عز كلامها وسألها ها وصلتي لحاجه من سؤالك للجيران
فقالت له لا ياعز ماحدش يعرف عنهم حاجه
مروان سألها هو انتى فين
رهف:عند شقتى
مروان:وايه اللى جاب اللى اسمه عز ده عند شقتك
رهف :اصل قولنا نيجى نسأل الجيران يمكن حد يعرف اى حاجه عن جنى وهرجع تانى معاه لشقته عشان مشهقدر ادخل شقتى وجنى مش معايا انا حاسه انى ممكن اتجنن لو قعدت فى الشقه من غيرها
مروان اتضايق وغار عليها من عز:فقال لا ما ترجعيش معاه تقعدى عنده ازاى يعنى ايه الكلام ده
رهف عشان عز واقف ردت عليه وقالت مش واقته الكلام ده يا مروان نتكلم بعدين
مروان:بقولك ايه ما تمشيش من عند الشقه انا جيلك عشان نشوف صرفه فى الموضوع ده وقفل من قبل ما ترد
قفلت هى كمان وقالت وبعدين بقى اعمل ايه بقى
فقالت لعز خلاص انا هستنى حد لو كده هبقى اجى وراك
عز على العموم انا هنتظر معاكى ونرجع مع بعض وهما بيتكلموا كان مروان وصل واول ما قرب منهم
يوسف بقى متنح وعمال يشد فى ملابس والده ووالده واقف مع رهف ومروان ويوسف عمال يقول له بابا بابا عاوز اقول ليك حاجه
ركز عز مع يوسف وقال له فى ايه مالك
يوسف عاوز اقولك حاجه بس واحنا لوحدينا
عز قاله تعالى ياسيدى عن اذنكم ياجماعه
وبعد ما بعدوا
عز في ايه عاوز تقول ايه
يوسف قال له بصوت واطى…يتبع
الجزء السادس من هنا