close
Uncategorized

رواية جوازه غريبه. الجزء الأول

و ” اسر ” كمان ” جوز اختى ” كان بيدمع وبينزل وشه ف الارض ع قد ما يقدر عشان محدش ياخد باله من انه بيعيط واختى كانت فاكره انه بيدمع عشانها ..

بس محدش كان يعرف ان انا وهو كنا بندمع بسبب اننا مش مع بعض واننا بنحب بعض فضلت انا وهو طول الفرح بنبص لبعض من غير ما حد ياخد باله عشان ميحصلش مشاكل لو حد فهم حاجه ولما الفرح خلص وكنا طلعين نركب الطياره عشان المفروض رايحين شهر عسل ف شرم قرب منى وقالى هاجر انا مش قادر اخبى اكتر من كده ..
قولتله ف ايه ي اسر ..” رواية جوازه غريبه ”

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
قالى هاجر متخليهوش يلمسك .. انا مش هستحمل اعرف انه لمسك حاسس انى ممكن اقتله لو عمل كده
بصتله وقولتله انت ملكش حق تطلب منى الطلب ده انت دلوقتى متجوز واختى وانا ومتجوزه اخوك ها يعنى لو حد فيهم سمع كلامك ده هتبقى بالنسبالهم خاين

بصلى وقالى ماانا فعلا خاين عشان بحبك
لاقيت ” انس” جه وبيقولنا ايه مش يلا هنطلع الطايره بقى
وفعلا طلعنا الطايره وكنت قاعده جنب انس واسر ومنه اختى قاعدين ورانا وانا قاعده مره واحده لاقيت اسر بيمسك ايدى اتخضيت وشديت ايدى بسرعه وبعدت ايدي وبعد حوالي ساعتين ف الطياره لاقيت كله نام حتى انس ورجعت ضهرى وغمضت عينى وافتكرت اليوم اللى اسر قالى فيه انه هيتجوز منه

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
اليوم ده منه اختى حاولت تنتحر فيه لما اسر قالها انه بيحب واحده تانيه وعايز يتجوزها ويتقدملها
ساعتها اول ما عرفت كانت عايز تموت نفسها وهو اول ما عرف خاف تموت نفسها فعلا وراح وقالها انه كان بيقولها كده عشان يشوف رد فعلا وسبنى ولاقيته بيتقدملها ولاقيتهم بيتخطبوا .. بس ف الوقت ده مكنتش عارفه اعمل ايه هو كان دايما ساعتها بيهرب من انه يتكلم معايا وبعد خطوبتهم لاقيتهم جاين عندنا بيطلبوا ايدى لانس !!


مرفضتش وموافقتش بس قولت اديله فرصه يمكن احبه وانسى اسر
كان بيعاملنى كويس اووى بس كنت دايما شايفاه انس اللى ساكن قصاد بيتنا وكنت بلعب معاه وانا صغيره وانه اخويه
انما اسر كنت شايفاه ابن الجيران اللى حبيته من وانا صغيره لحد ما كبرت
بس ادينى اهو بقيت مرات انس

معرفش ليه مرجعتش ف كلامى وفسخت خطوبتى
وانا بفكر لاقيت اسر بيقولى قومى عايز اقولك حاجه
قولتله لا قالى لو مقومتيش هصحى انس وهيعرف كل حاجه

قومت معاه وانا خايفه
واول ما بعدنا شويه لاقيته بيقولى انتى فاكره انا قولتلك ايه ولا نسيتى ؟
قولتله ايه ؟؟
قالى قولتلك لو لمسك هقتله
لاقيته انس قدامنا بيقول لاسر مين اللى لو لمسها هتق*تله ي اسر ؟؟

وانا بفكر لاقيت اسر بيقولى قومى عايز اقولك حاجه
قولتله لا قالى لو مقومتيش هصحى انس وهيعرف كل حاجه
قومت معاه وانا خايفه

واول ما بعدنا شويه لاقيته بيقولى انتى فاكره انا قولتلك ايه ولا نسيتى ؟
قولتله ايه ؟؟

قالى قولتلك لو لمسك هقتله
لاقيته انس قدامنا بيقول لاسر مين اللى لو لمسها هتقتله ي اسر ؟؟
لاقيت اسر بيقوله مفيش كان ف واحد بيبصلها وانت كنت نايم وانا كنت بقولها لو فكر يحط ايديه عليكى هقتله
لاقيت انس بيقوله هو مين ده ؟

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
قاله مفيش خلاص احنا مش عايزين مشاكل
لاقيت انس سكت وقالى طب خلاص تعالوا نرجع نقعد عشان هنوصل خلاص ومسكنى من ايدى وضغط عليها اوى
بعدها كنا وصلنا واول ما دخلنا الاوتيل طلعت ع الاوضه ولاقيته بيقولى ايه رايك ف فرحك اللى اتعمل ف الامارات .. مش احسن من مصر ؟؟

قولتله اه احسن من مصر اكيد معلش انا هقوم اغير وانام عشان تعبانه اووى من الفرح والسفر ومشيت ع طول وسبته وغيرت ونمت ع طول

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
وتانى يوم لاقيته بيصحينى وبيقولى يلا عشان تفطرى
قومت وقعدت افطر
لاقيته بيقولى نمتى كويس

قولتله اه .. ليه ؟؟
قالي اصل شكلك كان تعبان اوى فعلا امبارح هو كان ف حاجه ؟
قولتله طب وانت نمت حلو ؟
بصتلى وقالي اه

وبعدها قالي هاجر انا بحبك .. انا عارف انى كنت مسافر اكتر من 9 سنين مكنتش بنزل من الامارات خالص يعتبر وملحقتيش تعرفينى كويس .. بس صدقينى الفتره الجايه هتعرفينى كويس
لاقيت فونى بيرن * منه *

قولتله ثوانى هرد عليه
كلمتها قالتلى تعالى ع الاوضه عاوزاكى وبعدها ننزل شويه
كنت خايفه اروح عشان اسر قولتلها خليها شويه عشان لو اسر نايم
لاقيتها بتقولى نزل تعالى بقى
قولت لانس وسالنى ع اسر قولتله قالتلى انه نزل

وقومت غيرت وروحتلها
اول ما خبط ع بابها الباب اتفتح ومخرجتليش ف قولت يمكن بتعمل حاجه ودخلت لاقيت حد بيشدنى من ايدى
اسر !!
قالى اه اسر لمسك ي هاجر
اتخضيت وقولتله ي لهوى منه ممكن تسمعك

قالى منه مش موجوده اصلا انا نزلتها تجيب حاجات قاصد عشان اعرف اتكلم معاكى
قولتله سبنى اخرج قالى والله ما هسيبك غير لما تقولى .. قولتله ملكش دعوه
قالى قولى عشان اسيبك عايزانى افضل ماسك ايديك معنديش مشكله

قولتله لا ملمسنيش سبنى بقى لاقيته شدنى لحضنه حسيت ان قلبى هيقف بعدت عنه وزعقت فيه وقولتله انت اتجننت انا مرات اخوك … لاقيته بيعيط وبيقولى كنت خايف اووى ع فكره انا ملمستهاش ي هاجر انا بحبك انتى وعايزك انتى مراتى .. سبته ومشيت وهو جه ورايه وانا جايه اخرج من الباب لاقيت منه واقفه قدامى وبتعيط

يا هاجر انا بحبك انتى وعايزك انتى مراتى .. سبته ومشيت وهو جه ورايه وانا جايه اخرج من الباب لاقيت منه واقفه قدامى وبتعيط .. وقفت ف مكانى مخضوضه مش عارفه انطق من شكلها
لاقيت اسر بيقولها هو انتى هنا من امتى ؟؟

قالتله لسه جايه
قالها امال انتى بتعيطى ليه دلوقتى ؟؟
قالتله وقعت ي اسر جامد

لاقيته بيطبطب عليها وبيقولها خلاص متزعليش وبعدها دخلت ف حضنه بصتله وانا حاسه انى ع اخرى وروحت ماشيه وسيباهم
لاقيت منه بتندهلى مردتش وخرجت
لاقيت اسر ورايه وبيقولى غيرتى .. بتحبينى اوى صح ؟؟؟

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
مردتش عليه ومشيت وانا ماشيه قالى مش هسيبك
روحت اوضتى ولاقيت انس قاعد واول ما دخلت قالى عملتى ايه
قولتله مفيش معملتش حاجه انا هنزل اتمشى لوحدى .. وكنت بقولك كده عشان ميجيش ورايه

نزلت وكنت بتمشى قريب من البحر .. بعدها لاقيت نفسى عاوزه انزل البحر .. بس مش بعرف اعوم بس كنت بدخل اكتر للمايه !!


­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
لاقيت اسر بيشدنى يخرجنى وبيقولى انتى مجنونه انتى بتعملى ايه ؟
اضايقت اووى من انى كل شويه يظهرلى مش عارفه اتصرف باللى هو بيعمله ده
قولتله متقلقش مش هغرق نفسى اكيد وابتسمتله وقولتله عاوزه ايس كريم

واحه فعلا يجبلى ولما شوفته بعد غمضت عينى وكنت بدخل ف البحر اكتر وانا بفتكر كل حاجه حصلت بفتكر قد ايه كان بيقول انه بيحبنى بعدها طلعت من البحر وروحت ع الاوضه من قبل ما اسر يجى اصلا
وطلعت لانس قولتله انا مش قادره اكمل
قالى ايه اللى انتى بتقوليه ده ؟؟
قولتله عاوزه اطلق ي انس

بصلى وقالى انا ممستحيل اعمل كده انا تعبت اووى عقبال ما اتجوزنا
قولتله لو مطلقتنيش هنزل مصر

قالى طب استن حتى لبليل
قولتله وانا مش حاسه انى طايقه نفسى تمام
بعدها نزل وسبنى ف الاوضه
لاقيت الباب بيخبط ببص لاقيت اسر

خوفت افتحله جداا ومرضتش افتح وفضلت قاعده ف الاوضه
بعدها حوالى اساعه 12 بليل لاقيت انس رجع
وبيقولى يلا ننزل

غيرت ونزلت ولاقيت المكان ع الشاطئ فاضى جداا مفيش اى حد
قولتله هى الناس راحت فين
قالى انه عاملى مفاجاه
ولاقيته بيحضنى وبيقولى بحبك
لاقيت نفسى بعيط ووببعده عنى وبقولك انا عايزه اطلق انا مش قادره اكمل معاك
قالى لا ي هاجر انا مش هسيبك

قولتله لا انا عاوزه امشى سبنى بقى وطلعت اجرى ع البحر لحد ما لاقيت نفسى بغرق معرفش ليه عملت كده .. بس يمكن عشان انس كمان مش بيعرف يعوم وكنت عارفه انى هموت وهخلص كده .. ولا بسبب اسر ع اللى عمله فيا.. وانا برفع راسى ف السما ششوفت اسمى مكتوب وجبنه بحبك ومره واحده لاقيت

لاقيت حد بيمسكنى من ايدى وانا جسمى خلاص بيزل تحت ف المايه .. فتحت عينى لاقيت اسر .. كنت حاسه انى بموت خلاص فعلا .. حاسه انى اتخنقت خلاص .. بس كان باين ع ملامح اسر الخضه والخوف .. بعدها كل اللي فكراه .. ان انس شالنى وودانى الاوضه .. ايه حصل تانى مش عارفه

ولما صحيت تانى يوم لاقيت انس قاعد جنبى واول ما شافنى صحيت
قالى عامله ايه دلوقتى .. انا خوفت عليكى اووى وحضنى ولاقيت بعيط وقالي كنت حاسس بالعجز وانا مش قادر ادخل المايه اجيبك من كتر خوفى .. انا اسف .. لاقيت نفسي بمسح دموعه وانا بمسحها لاقيته باس ايدي وقالي انا بحبك اووى ي هاجر
كنت عايز اتوه الموضوع
قولتله انت بتخاف ليه من المايه ؟؟

قالى انا اول مره حاولت اتعلم السباحه مع واحد صاحبي بيعرف يوم كانت 15 سنه .. ولما نزل المايه عشان يحاول يورينى شكله فالعوم بيبقي ازاى لاقيت الموج علي اووى مره واحده .. وكان بيحاول يخرج بس معرفش وغرق قدامى ومن ساعتها وانا عندى فوبيا
وبعدها قالي قومى يلا انا مجهز الفطار انتى مبتاكليش يعتبر
جيت اقوم حسيت انى مش قادره

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
قالي مالك ؟؟
قولتله مفيش هنام تانى وافطر لما اصحى
قالي تمام يلا ننام
قولتله يلا ايه انت هتنام انت كمان ؟؟

قالي اه
ولاقيته بيقولى ارجعى ورا شويه ولما رجعت قعد ع السرير ونام ولاقيته بيشدنى لحضنه وباس دماغى وبيقولى يلا نامى بقي
مكنتش عارفه لا ارد ولا اتحرك اول مره يعمل معايا كده .. ومن تعبى نمت ع طول ومحستش ب اى حاجه بس كنت مطمنه انى مش لوحدى وانه جنبى كده

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
وبعدها صحيت ع صوت الفون بيرن .. ملاقتهوش جنبى وكان هو اللي بيرن عليا .. رديت عليه
قالي يلا غيرى وانزل تحت انا مستنيكى
قومت غيرت ولسه فتح الباب عشان انزل لاقيت اسر قدامى وداخل الاوضه وقفل الباب وبعد ما دخل قالى كنت هموت من الخضه عليكى والله
وراح حضنى اووى

وقالى متعمليش اللى عملتى تانى
ولاقيته بيزعقلى
وبيقولى انتى عارفه انك لو كنت اتاخرت عليكى شويه كنتى هتموتى
عارفه انى مكنتش هعرف الحقك

قولتله انت مجنون انس لو جه وشافك كده ممكن تحصل مصيبه
قالى متقلقيش انا عارف انه تحت
وكده كده انا نازله وهاخدك معايا وهو عارف لانى قولتله هطلع اوضتى واعدى عليكى عشان اتاخرتى
قولتله ما تبعد عنى وتركز مع منه احسن منى
لاقيته ضحك وقالى لدرجادى غيرانه
وشدنى من ايدى ونزلنى

لاقيت انس ومنه قاعدين ومفيش حد غيرنا
واول ما قعدت لاقيت انس بيشاور ل دى جى
لاقيت اغنيه ” قدام الناس ” اشتغلت

بصتله وقولتله هو انت قالى اه
قومى نرقص بقى حتى بتاع الدى جى خرج
واحنا بنرقص قولتله انت عرفت منين انى بحبها ؟؟١

قالى انا عارف كل تفاصيلك 📷<3
وبعدها باسنى من خدى وخدنى ف حضنه
ومره واحده لاقيت اسر جاى بيشدنى من ايدى عشان ابعد عن انس

ومره واحده لاقيت اسر جاى بيشدنى من ايدى عشان ابعد عن انس
انس قاله ف ايه ي اسر ؟
اسر قاله معلش ي انس عايز اقولها حاجه
وشدنى وخدنى بعيد عن انس

وقالى ايه اللى بيحصل ده انتوا بقيتوا قريبين من بعض كده ليه ؟؟
قولتله بكل هدوء جوزى 📷:)
وشه اتقلب وقالىة جوزك ايه يعنى من امتى ؟؟
انتى مش المفروض بتحبينى انا ؟

قولتله ومش انت المفروض مكنتش اتجوزت اختى ومكنتش سبت اخوك يتقدملى وانت بتحبنى وبلاش حجة اصله مكانش قريب منى ومكنتش بقعد معاه دى عشان اقوله

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
لاقيت انس جه بيقولى ف ايه ي هاجر ؟؟
قولتله مفيش ي انس اسر كان بيشتكيلى من منه
اسر بصلى وضحك
وانس قالى هى عملت ايه ؟؟

قولتله مفيش تعالى نطلع الاوضه وهبقى احكيلك
طلعنا واحنا ع باب الاوضه قالى غمضى عينكى
وعملت كده بعدها دخلنى وقالى فتحى


­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
لافيت الاوضه كلها بلالين وورود ع شكل قلوب وكاتب اسمى بالورد
قولتله الله انت عملت كل ده امتى
قالى بحبك

وعايزك تبقي مبسوطه زى دلوقتى كده ع طول
قولتله انا مكنتش اعرف انك كده
ومستغربه بس مبسوطه باللي بيحصل وبجد اسفه ع اللي عملته امبارح
قالي طيب ينفع احضنك تانى ؟؟

وقبل ماارد حضنى وقالى كنت والله هموت من القلق عليكى .. ومش عاوز اطلقك والله .. قولتله ولو مطلقتنيش يعنى ايه هيحصل .. قالي ساعتها هتبقي مراتى بجد .. انا فعلا مش راضي اقرب منك عشان حاسس انك مش عاوزه وبتهربى منى دايما
اول ما قالي الكلام ده خوفت .. حسيت انى مش عايزه

وقولتله انا اسفه ي انس مش هقدر
قالي رفضانى ليه ي هاجر ؟؟
لو رفضانى اتجوزتينى ليه انتى مخبيه عليا حاجه ي هاجر ؟؟

سبته ونزلت وفعدت عند البحر
كنت بفكر اعمل ايه مش عارفه اخد اى قرار
لاقيت اسر جه قعد جنبى وفالي وحشتينى بتفكرى ف ايه ..؟
جيت اقوم لاقيته بيقولى اقعدى عشان انس بيبص عليكى ولو قومتى هيفتكر ان ف حاجه
قولتله ابعد عنى انا زهقت

قالي لو كنتى عايزانى ابعد عنك كنتى قولتيله لما اخدتك منه الحقيقه
قولتله انت عندك حق انا غلطانه وهقوله ..

قالى وانا بحبك ومش هسيبك 📷:)
قومت من جنبه ولفيت لاقيت منه كانت واقفه ورانا
اتخضيت لما شوفتها
ولاقيتها طلعت تجرى ع اوضتها روحت وراها انا واسر
ودخلنا الاوضه لاقيناها ماسكه موس معرفش جبته ازاى او منين

ولاقيتها بتقول متقربوش منى بعد اللى سمعته منكم ده
قولتلها والله انا ما كنت هخلى اللى بيقوله يحصل .. انتى عرفانى ي منه صح
لاقيتها بتقولى كنت عارفه انك بتحبى وعارفه ان اسر بيحبك اووى
بس كنتى مخبيه ومبتقوليش

وانا كنت بحبه اوووى ولما روحت وقولتله قالى انه بيحب واحده بس انا كنت عايزاه ليا ..
كنت عارفه انها انتى اللي بيحبها ي هاجر
اكيد هتشوفينى انانيه صح ؟؟

انا اصلا حاسه انى من ساعة ما حولت انتحر عشانه وانا مش طايقه اللى عملته
بس انا بحبه فعلا
ولاقيتها قطعت شرايين ايديها تانى
وبعدها وقت ع الارض وكنت بتقول خلونى اموت المرادى
لاقيت انس واقف ع باب الاوضه

ولاقيتها قطعت شرايين ايديها تانى
وبعدها وقت ع الارض وكنت بتقول خلونى اموت المرادى
لاقيت انس واقف ع باب الاوضه

وجرى ع منه لاقيته بيقول هو ايه اللى حصصل ؟؟
وشالها وجرى بيها ع المستشفى

انا واسر مكانش بنتكلم طول طريق
كل واحد فينا اكيد كان خايفه ومش عارف يعمل ايه ولا يتصرف ازاى
روحنا المستشفى وانس هو اللى كان بيعمل كل حاجه

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
وسبنا ونزل يدفع فلوس المستشفى ف الحسابات
لاقيت اسر قرب منى وقالى هنعمل ايه
بصتله وسكت

قالى ردى عليا احنا ف الموضوع ده مع بعض
قولتله انا بره الموضوع ده وانت السبب قولتلك مليون مره تبعد عنى وانت مصمم
انا اهم حاجه عندى تقوم كويسه
قالى وانا صدقينى لو هى قامت كويسه انا هعملك مفاجاه

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
لاقيت انس جه وكنت الدكتور خرجلنا
قالنا احنا الحمدلله لحقنها بس للاسف هى عاشت صدمه كانت صعبه عليه اووى
وللاسف حصلها فقدان ذاكره للصدمه اللى حصلتلها

مكنتش عارفه ارتاح ولا اضايق اكتر بعد اللى سمعته
بس لاقتنى بعيط اووى كنت خايفه تموت بسببى مكنتش هعرف اعمل اى حاجه
قعدت ع الكرسى وفضلت اعيط اووى
لاقيت انس جاى وبيطبطب عليا وبيقولى اهدى خلاص هى كويسه وهندخلها لحد ما خلانى ابطل عياط
وخدنى ودخلنا ليها

لاقيتها بتسالنا انا عملت كده ليه ؟؟
اسر جرى عليها وقالها خضتينى عليكى
كنت انا االوحيده اللى فاهمه انه عمل كده عشان ينسيها انها عايزه تعرف
انس قالها الف سلامه عليكى

وانا كمان قولتلها كده بس مكنتش قادره ابص ف عينيها
وبعدها اانس روحنا
طلعت الاوضه لاقيت انس بيقولى صحيح ي هاجر هو ايه اللى خلاها تعمل كده
حطييت دماغى ع المخده وقولتله مش قادره اتكلم ي انس انا عاوزه انام

لاقيته قالى خلاص مش مهم ارتاحى وشدى لحضنه وقالى بس ارتاحى هنا
اطمنت لما عمل كده .. كنت عايزه فعلا احس براحه من اللى حصلى كله
نمت ولما صحيت من النوم كان هو لسه نايم

قومت وغيرت هدومى وقررت انزل اتمشى ف الهوا
نزلت وصلت عند البحر ولقيت وشى لاقيت اسر واقف ف البلكونه بيبصلى
عرففت انه هينزلى
جريت ع الاوضه قابلنى وانا ع السلم

قالى عاوزه تهربى منى ؟؟
قولتله والله انا زهقت .. لو سمحت بطل تطلعلى
انا مبقاتش عايزاك خلاص
انت متجوز وانا متتجوزه خلصنااااااا
قالى بس انتى مش بتحبى وانا مش بحبها ي هاجر

قولتله ملكش دعوه انا مرتاحه كده
وكفايه اللى حصل لمنه امبارح بقى حرام عليك
قالى وانا مش مرتاح ولازم نبقى مع بعض ي هاجر

قولتله نبقى مع بعض ازاى يعنى ي اسر انت مجنون ليه ؟؟
قالى انا هقولك نبقى مع بعض ازاى .. نتجوز

قولتله نبقى مع بعض ازاى يعنى ي اسر انت مجنون ليه ؟؟
قالى انا هقولك نبقى مع بعض ازاى .. نتجوز
قولتله نتجوز ازاى يعنى واحنا الاتنين متجوزين ؟
قالى انا عندى ينفع عادى

قولتله وانا مينفعش ي اسر
قالى لا ..

ف حل ومش هسمحلك ترفضى
عشان لو رفضتى انا هخطفك
ومش هتعرفى تهربى منى وانتى عارفه
قوولتله حل ايه يعنى ؟؟

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
نتجوز من ورا جوزك .. جواز سر .. عرفى يعنى
ضربته بالقلم وقولتله لو فكرت فيا كده تانى
انا هعرف اسر كل حاجه وساعتها هيخسرك للابد

قالى وانتى كمان 🙂
سبته ومشيت لاقيته بيقولى محبتش حد غيرك ي هاجر
طلعت الاوضه لاقيت انس صحى ومغير وكان نازل
بس صحى حد مختلف ومعرفش ايه سبب اختلافه

مقالات ذات صلة

رواية جوازه غريبه. الجزء الأول
منذ 10 ساعات

رواية جوازه غريبه. الجزء الثاني
منذ 10 ساعات
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
قالى انتى كويسه
قولتله اه قالى تمام انا هروح اطمن ع منه .. هاتيجى معايا ؟
قولتله لا انا هنام شويه تانى
قالى تمام براحتك

خرج وسبنى وكنت مستغربه سبب تغيره ..مش فاهمه عملت ايه غلط
قعدت ع السرير وكنت عماله افكر
هو عرف حاجه ؟؟
انا ضايقته !!
هيسبنى !!

قولت لا انا هروح عند منه وخلاص
قومت وروحت عند منه الاوضه
لاقيت اسر اللى فتحلى
لاقيت انس بيقولى كويس انك جيتى
كنت لسه هقولك انى هنزل مصر انا ومنه دلوقتى

قولتله ده ليه ده ؟؟
قالى هى عايزه تنزل مصر
قولتلها عايزه تنزلى مصر ليه ي منه .. مااحنا كلها شويه وهننزلها كلنا
قالتلى هتعرفى لما ارجع ي هاجر
قولتلهم طب خدونى معاكوا

قالولى اسر هيفضل هنا هاياخد باله منك لحد ما نرجع وهو وافق متقلقيش <3
وبعدها خدها وخرجوا
قولتله مش هاتاخد معاك حتى هدوم ي انس
قالى احنا هنرجع ع طول .. واول مااوصل مصر هطمنك علينا

خدها ونزل
لاقيت اسر بيقولى فرصتنا اهو

فكرى وردى عليا بليل
كنت خايفه منه قولتله مش هرد عليك غير لما انس يرجع
قالى وانا موافق
وجيت اخرج وقف قدامى وحضنى وقالى مش هينفع تخرجى من الاوضه بسهوله كده بحبك <3

بعدته عنى وقولتله كفايه بقى
وخرجت من الاوضه
ودخلت اوضتى نمت
وصحيت بليل لاقيت انس مرنش عليا ولا طمنى والمفروض ان زمانه وصل من بدرى
رنيت عليه لاقيت فونه مغلق .. رنيت ع منه فونها مقفول هى كمان !!
قلقت رنيت ع اسر قوولتله انت انس كلمك او منه

قالى لا .. ومتقلقيش عليهم
قفلت ف وشه
وفضلت صاحيه طول الليل برن عليهم وفونهم مقفول
روحت لاسر الصبح وقولتله اتصرف انا قلقانه
قالى هيظهروا اكيد اهدى ده يوم اللى عدى

اليوم بقى اتنين واسبوع
وكل مااكمل اسر يقولى مش هينفع ننزل مصر هيقلقوا انا هدور بس اهدى

وكان طول الوقت بيلمحلى بموضوع الجواز وانا كنت بقفله وبقول مش هعمل اى حاجه غير لما اطمن عليهم .. كنت عارفه انه ممكن يعمل اى حاجه غصب عنى كنت بحاول اهرب منه ع قد مااقدر
الاسبوع عدى وبقوا 10 ايام واحنا منععرفش عنهم حاجه واسر كان بيحصلى افكار مرعبه .. ممكن يكونوا غرقوا .. ماتوا .. اتخطفوا

لحد اليوم ال 10 ده طلعت اوضتى ومسكت الفون وفتحت اصور بتاعت الفرح وفضلت ابص ع صور انس .. كل الصور ف الفرح كان انس بيبصلى فيها وعيونه بتلمع .. كان بيبصى بحبه .. حسيت ان قلبى واجعنى .. ومش عارفه اتصرف تانى .. لاقيت نفسى بعيط .. وحسيت انى خلاص كده مش هشوفه تانى
ومن التعب نمت

لحد ما صحيت حوالى اساعه اتنين ع اساعه 2 بليل من خبط باب الاوضه
قومت فتحت الباب لاقيت انس قدامى

لحد ما صحيت حوالى اساعه 2 بليل من خبط باب الاوضه
قومت فتحت الباب لاقيت انس قدامى
قولتله انت كنت فين وانا مش مصدقه ومش عارفه اتكلم
قالى كلمى اسر خليه يجى

كلمت اسر وجه واول ما دخل قال لانس انت رجعت ازاى ؟
قاله منه ماتت ي اسر .. انا اسف معرفتش انقذها
قاله يعنى ايه مش فاهم ايه اللى حصل ؟؟!

قال واحنا نزلين مصر قابلتنا عربيه ف الطريق وقفتنا وخطفونا
وخدونا مكان مفهوش بنى ادمين واول ما وصلنا هناك دبحوا منه قدامى ومعرفتش اعملها اى جاجه انا اسف ي هاجر .. اسف ي اسر
لاقيت اسر بيقوله وانت رجعت ازاى ؟؟

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
قالنا انا لما شوفتهم بيدبحوا منه حاولت اهرب منهم لحد ما عرفت اهرب
والنهارده قبل مااجى البوليس قبض عليهم وعرفت اخد جثة منه وادفنها
اسر قاله طب والناس دى عملوا ايه يعنى ؟؟

قالوا انهم هيعترفوا عن اللى خلاهم يعملوا كده لانهم حد مسلطهم ومقالوش كده غير لما عرفوا انهم هيتعدموا عشان دى جريمة قتل
لاقيت اسر خرج
وانا قاعده مش فاهمه حاجه
وخرج من غير ما يتكلم
بصيت لانس وقولتله روح شوفه احسن يعمل حاجه ف نفسه

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
لاقيته بياخدنى من ايدى وبيقولى انا هعرفك هو هيعمل ايه
خرجنا ورا اسر ولاقيناه ركب عربيته .. وانس خدنى وركبنا العربيه وروحنا ورا اسر لحد المكان اللى راح فيه
كان مكان مفهوش حد
دخلنا ورا اسر المكان .. واسر كان شكله تايه

لاقيت انس بيقوله ايه ي اسر عايز تشوف العصابه عشان تكلم معاهم انهم ميعترفوش عليك ؟؟
قولت لانس انت بتقول ايه
قالى انا هقولك .. مش اسر بيحبك وعايز يتجوزك ؟؟

اهو هو بقى اللى كان عايز يقتلنا عشان يبقى معاكى
مكنتش عارفه لا انطق ولا ارد ع انس لا انا ولا اسر
ولاقيت منه جايه بتقول لاسر كنت عايز مراتك تتقتل
بصتلها وانا مش فاهمه حاجه !!

لاقيت انس بيقولى انا هفهمك متقلقيش
فاكره لما قولتله مين اللى هتقتله لو لمسها اول يوم ع الطياره انا كنت سمعت كل حاجه لانى مكنتش نايم اصلا
وفاكره لما قولتيلى ركب كاميرات ف الاوض عشان نبقى مطمنين لو حصل حاجه او غيره .. انا عملت كده وطبعا مقولناش لاسر او منه

وفعلا ده حصل ومن ساعتها اى وقت بتبقى مع اسر ف الاوضه كنت بسمع وبشوف كل حاجه
ولما كنتوا بتقبوا بره الاوضه كنت بسمع عن طريق الفون بتاعتك كل حاجه
ولما مكانش بيبقى معاكى الفون كنت بجيلك لانى كنت عارف ان اسر مجنون
قولت لمنه طب وانتى ؟

قالتلى انا بقى فعلا من صدمتى فضلت ناسيه اللى حصل ..
بس ف يوم لاقيت اسر بيقولى ع فكره هاجر كانت هتموت من القلق عليكى يوم ما تعبتى .. وهى اكيد لازم تعمليها مفاجاه كبيره انتى وانس

قولتله مفاجاه زى ايه قالى تنزلوا مصر وتجيبى مامتك تبقى معاها انتى عارفه هى ازاى بتحبها
قولتله انت شايف كده يعنى ؟؟
قالى اه .. اول ما انس يجى قوليله
وفعلا اول ما جه قولتله ع اللى اسر قالهولى
ووافق ع طول .. وقال لاسر انا هعمل عشانها اى حاجه تفرحها
وخدنى ونزلنا العربيه

ولما نزلنا ف العربيه ورانى سجلات الكاميرا وسمعنى مكلمات الفون وااللى كان بيشوفه وافتكرت كل حاجه
بعد ما خلصوا كلامهم لاقيت البوليس جاى ياخد اسر
كان بيزعق وبيقولى متسبنيش لوحدى ي هاجر انا مش هفضل لوحدى هتبقى معايا ي هاجر
قولت لانس انت هتسيبه يتحبس ى انس ؟؟

قالي كان عاوز يموتنا انا واختك عايزانى اسيبه ؟!

وبعدها قالي هاجر انا عارف ان اسر كان مهم ف حياتك ومقدر كل اللي عملتى .. وخدنى ف حضنه وقالي هاجر انا حبيتك فعلا ومش عاوزك تقولى انك هتطلقى منى بعد كل ده و انا …
قولتله مش عاوزه اطلق ي انس انا عمرى ما هلاقى شخص زيك .. لو سمحت سامحنى .. قالى انه مسامحك من البدايه ى هاجر وانتى عارفه

ومن ساعتها واحنا مع بعض مش بنفارق بعض ومنه اطلقت من اسر
وعدى على حبس اسر حوالى 3 شهور وقررت انى اروح وازوره لوحدى .. اول ما روحتله
قالى لسه فاكره تجيلى ؟؟

سبتنيى ليه ي هاجر .. انا عملت كل اللى انتى كنتى عاوزاه
بس انا مقولتلكش تقتلهم .. مقولتلكش تخونى.. مقولتلكش تكدب عليا .. مقولتلكش تهددنى ب انك هتخطفنى .. ع فكره منه حكتلى كل حاجه وحكتلى انك كنت بتقولها انك بتحبها زيي بالظبط وده من اول مره سمعتنا ف الاوضه فاكر اليوم اللى قالت فيه انها وقعت .. كانت سمعتنا .. وحكتلى كل حاجه .. عايزه اقولك ان اللى حصل كله كان بعلم منه ومصطفى ولو كنت فاكر نفسك ذكى ف انت اغبى واحد شوفته
سالنى وقالى انا مش ففاهم حاجه هو ايه اللى حصل بالظبط ؟؟

قولتله بعد ما سمعتنا وجت قعدت معايا وجتلى قالتلى انها عايزه تنتقم منك وتردلك اللى عملته .. قولتلها ازاى وانتى كنتى انتحرتى عشانه قبل كده ؟؟ قالتلى انا اصلا منتحرتش قبل كده ي هاجر ده كان مكياج عملته اكنى منتحره واتفقت مع الدكتور ان محدش يعرف الموضوع ده .. وفعلا بسهوله وافق .. وطبعا لما هى هددتك بأنها هتعرف بابا اللى انت شغال ف شركته خوفت ع مستقبلك ووافقت .. وحطيت ف دماغك انى الطيبه اللى هتسكت وتضحك عليها

ساعتها فكرت نعمل فيك نفس الحاجه مره تانيه بطريقتنا .. اول ما حسيت ان انس فعلا بيحبنى روحت وحكتله كل حاجه .. وطلبت منه يساعدنا .. والاحداث اللى حصلت كلها زى ماا كنت متفقه معاهم مش معاك
ولما قولت ع موضوع مصر ده حسيت انك وراك حاجه ولما كنت بتنزلى وتقعد معايا وانا تحت منه كانت بتفضل تدور ف الارقام بتاعتك وكانت بتسمع المكالمات وعرفنا ساعتها انت عايز تعمل ايه .. وكلمنا العصابه واتفقنا معاهم وبقوا ف صالحنا احنا وع فكره محدش اتسجن غيرك

قالى يعنى ايه ؟؟ انا هفضل هنا ف السجن ؟؟
ضحكت وقولتله دى كانت قرصت ودن ع طعمك وانانيتك .. مكنتش عارفه معاك واول ما لاقتنى مرات انس ومش عايزاك وبدات احب انس ونبقى قريبين من بعض افتكرت انك بتحبنى
انت هتخرج من السجن بكره بس بكره ده هكون انا وانس سافرنا وع فكره انا حامل … ومنه كمان اتجوزت

قالى وانا قايمه امشى بس انتى وافقتى ع جوازى من اختك وانتى بتحبينى وانا بحبك … قولتله كنت غبيه كنت خايفه تموت نفسها فعلا .. كنت خايفه عليها كنت مستعده اضحى ب اى حاجه عشان تفرح .. وللاسف انت كنت شخص لئيم كنت رافض اى حد يعرف حتى هى .. وانا عرفت ليه كنت رافض لما هى حكتلى 🙂

وع فكره الكاميرات اللى كانت موجوده انس شاف تسجيلتها ف الاخر مش زى ما قالك انه كان بيشوفنا .. هو بس كان بيسمعنا وبيجى .. ولما شاف التسجيلات ف الاخر قالى لو كنت اعرف انه هيعمل كده معاكى كنت رفضت من البدايه بس هو سامحنى سلام بقى

فكره القصه بالنسبالى مكانتش مجرد حاجه بسيطه .. كنت عايزه اقدمها بطريقه الكل يهتم بيها ..
وفعلا الكل اهتم .. وحرفيا اعتقد ان القصه لفت الفيس كله .. والحمدلله انى قدرت اعمل بيها الضجه دى .. ناس انتقدتنى وناس اضايقت من القصه وازاى تعملى قصه كده وناس كانت بتحسبن عليا حرفيا .. لانهم مستنوش ف الاخر

.. وانا صممت اكملها .. قدمتها ف بدايه قويه تخلى الكل يهتم والحمدلله حصل رغم الانتقاد اللى حصلى من ناس كتير .. ف الحمدلله ناس اكتر وقفت معايا <3 ودى ناس اقسم بالله لو هقدر اردلها دعمهم ف اى وقت مش هتاخر” انك تككون شخص عايز مصلحته انانى خاين مبيهمهوش اهله او اى شخص مهما كاان هتكون نهايتك زى اسر وده هينطبق ع البنت والولد .. ممكن متتسجنش / متتسجنيش .. بس لما تتعرف

خيانتك هتبقى شخص منبوذ من اهلك ومجتمعك وهتبقى لوحدك ومش هتلاقى جنبك غير اللى شبهك .. وساعتها هتتعرض لنفس اللى عملته تانى .. ساعتها هتبقى عايش ف سجن جواك وانت حر .. هاجر ف القصه كانت شخص غبى بس غلطت وعرفت غلطها وخدت حقها وحق اختها .. وصلحت كان ف طرق تانيه كتير يتجاب بيها الحق .. عارفه .. بس انا كنت محتاجه فكره قويه فعلا عشان اوصل اللى ف دماغى .. كنت محتاجه اجيب اشخاص قريبين من بعض فعلا ” اخوات “

وبيحصل ده بينهم .. كام مره حد فينا شاف فعلا واقع عن اخ بيحب مرات اخوه واخت بتحب جوز اختها او الاتنين بيحبوا بعض .. والموضوع بيطور ما بينهم اكتر من كده بمراحل مش زى ما كاتبه ف القصه .. الخيانات انواع .. بس ده اقذر نوع من الخيانات اللى ممكن الواحد يعملها .. النوع ده بيعلم ومبينفعش يتصلح بيبفضل معلم جوانا مهما حصل ومهما اللى قدامنا اتغير .. معرفش ف حد من اللى بيشوف القصه عاش جزء من ده ولا لا

.. بس اللى عاوزه اقوله بلاش تكونوا اسر .. سواء ولد او بنت وبلاش تكونوا الشخص الغبي .. عشان هتخسروا كتير .. مقدرتش اخلى القصه ب 3 اطراف زى ما بنشوف .. كان لازم القصه تبقى اقوى .. “

النهاية صلو عالنبي

مقالات ذات صلة

شاهد أيضاً
إغلاق
زر الذهاب إلى الأعلى