close
Uncategorized

امي قاعدة معانا

انا لوحدى ومليش حد اتكلم معاه
دلوقتي أنا والدى اتوفى من فترة وانا معنديش خوات وامى متعرفش تقعد لوحدها لأنها بتخاف و كمان ضعيفة سمع وانا ما قدرش اسببها لوحدها، قعدت معاها فترة وبعدين جبتها معايا فى شقتى وجوزى فرحان بيها و شايلها من عالارض شيل وهى شايلة معايا مسؤولية ابنى اللى عمره شهور و حالنا ماشى والحمد لله ، وقعده معانا بقالنا شهر واكتر اهو

لحد امبارح لقيت جوزى جاى من بره وشه اصفر و مخنوق وقوله مالك يقولى مفيش
وطول ما هو قاعد ساكت لحد ما دخلنا ن اغمض عينى واصحى الاقيه صاحى وزى ما يكون حاجة مزعلاه
عملتله كوباية لمون ونمت
صحيت على صوته وهو الشغل و بيرزع الباب
المهم لما اتكلمت معاه ، فهمت أن اللى مزعله أن أبوه وأمه بيقولوله هو انت كده هتعيش فى عيشة لوحدك ولا ايه

انت خلاص استحليت أن حك تصرف عليك و تأكلوا و تشربوا مع ب و نسيت امك و ابوك ، وبعدين كل يوم عمام و خوال وخالات مراتك داخلين طالعين هى مش لوكانده ولا قهوه
ولاقيته بيقولى أنا تعبت ومبقتش قادر است كلام امى وابويا اللى بسمعه كل يوم بس مكنتش بعرفك عشان متزعليش
قولتله خلاص هاخد امى ونروح بيت ابويا
قالى مع السلامه
طلعت قولت لامى يلا بينا
وهى يا عينى مش فاهمة حاجة و تقولى فيه ايه و

زعقت وقولتلها يلا و خدت هدومى و و هدوم ابنى و نزلت جبت توكتوك ويا شايفنى واحنا ماشيين ولا قال راحة فين ولا نطق كلمه
وجوزى لاقيته مشى ما اعرفش راح فين
ولا رن ولا اى حاجه
صعبان عليا نفسي و صعبان عليا بهدلت امى بعد ابويا
ابويا كان معززنى أنا وامى وكنا اغلى حاجه عنده ومكنش بيحب حد يزعلنا
مش عارفة اعمل ايه قلبى وجعنى اوى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى