متجوز اتنين
انا مشكلتي اني تزوجت تاني من حوالي شهرين تقريبا وبدون علم زوجتي بس في محافظه تانيه فيها اخويا الكبير
وهو مريض وكنت دايما بسافر له كل اسبوعين او شهر اقضي معاه خميس وجمعه وارجع السبت بليل وبحكم ان زوجتي الاولى مش بتحب تسافر عندهم علشان الولاد ومش بتسلطف زوجة اخويا فقليل لما تسافر معايا المهم اني اتعرفت على زوجتي الثانيه هناك وتممنا الزواج وهي واهلها عارفين اني متزوج ومش عاوز ولا احب
زوجتي الأولي تعرف وموافقين وبسافر دلوقتي بحجة اني مسافر عند اخويا كالعادة يعني و محدش حاسس بحاجه …المشكلة معايا دلوقتي ان زوجتي الثانية دلوقتي عاوزاني معاها اكتر من اليومين اللي بروح لها فيهم بل وعاوزاني انقل شغلي عندهم وابدل الحال يعني اعكس تبقى هي طول الاسبوع وزوجتي الاولى خميس وجمعه
أنا طبعا رفضت نهائي وهي بدات تزعل وتقولي انا كده مش حاسه باستقرار المشكلة اصلا ان زوجتي الاولى بدات تزعل من سفري اسبوعيا هي واولادي وبتقولي العيال بيوا معيطين اليومين اللي بتغيبهم بيقولو خايفين ومش ييطمنو غير وانت في البيت وانا كمان بعيط لانك بقيت تغيب كتير مش زي الأول في الشهر مره
وبدات اعيش في قلق نفسي و اصبحت غير مستقر نفسيا والاتنين بحبهم والله ومقدرش اطلق وحده منهم…
لكن فعلا مبقتش عارف ازاي اعدل بينهم خاصة اني لسه متجوز الثانية جديد ودايما تقولي انك كده بتضيع اجمل ايام حياتي وكده مش هنعرف نخلف وانا من حقي اخلف منك وبغيابك ده فرص بتقل في نفس الوقت انشغل اكثر عن ام عيالي ومستحيل اقولها لاني عارف انها مش هتوافق وممكن ترفع او تطلب الطلاق…
الله يسعدكم الي عنده حل او مر بحاجه زي ديه يقولي اعمل ايه بدون تجريح لو سمحتم
