قصة الممسوسة ( الجزء الأخير)

حسيت بحاجة بتصـ.ـرخ ف وداني جامد و ،
الشيخ دخل الاوضة شافني بالحالة دي قال لمحمد ملكش
دعوة بيها ، و هنا محمد كان مندهش جداً من اللي شايفه
بس قرر يسمع كلام الشيخ ، الشيخ كان معاه ميه مقروء عليها آيات قرآنية معينه و رشها عليا حسيت انه رش نـ.ـار
عليا و فضلت يقرأ عليا قرآن لحد ما اعصابي كلها باظت

و فقدت و مش دريت باللي حصل حواليا نهائي..
– محمد: “اصحي يا ريم فوقي انتي بقيتي كويسه ”
فوقت لاقيت محمد جمبي و بيطبطب عليا و بيقولي
حمد لله على السلامة يا حبيبتي ،

قولت للشيخ هو انا كان مالي ايه اللي حصلي ده
انا اخر حاجة شوفتها محمد و هو داخل من الباب !!
رد الشيخ قالها الحمد لله انتي دلوقتي كويسه
بس عايز اسالك سؤال !
هو انتي شربتي حاجة عند حد غريب او ي لبس حد
او اديتي لبسك لحد ؟؟؟
قعدت افكر مع نفسي لاقيت اني مش بخرج اصلاً

ولا بلبس لبس حد . بس كنت من شهر سمر صاحبتي
اخدت فستان كان عاجبها جداً عليا و قالت تحضر
بيه مناسبة عندها … رد الشيخ تمام خلي بالك منها تي
لا بنسبة كبيرة هي عملتلك حاجة مش كويسه
و الحمد لله انتي زي الفل دلوقتي و حافظي ع صلاتك
و شغلي سورة البقرة كل يوم و الرقية الشرعية و ان شاء
الله مفيش اي حاجة هتصيبك بعد كده .

انا مبقتش عندي اي كلام اقوله حتى لنفسي ،
صاحبة عمري تعمل فيا كده !
طب ازاي ده انا عمري ما قصرت معاها في حاجة
لحد ما قررت اني اواجها باللي عملته فيا
اتصلت عليها بعديها بكام يوم و قولتلها محمد مسافر
و تعالي اقعدي معايا ،. جت و قعدنا و قولتلها…

انا عايزه
اسألك سؤال ، ” انا عمري آذيـ،ـتك في حاجة ؟ ”
لاقيت وشها اتقلب و اتوترت و قالتلي ليه بتقولي كده
اكيد لا ده انتي اختي ما شوفتش منك حاجة وحـ،ـشة
قولتلها طب ليه تعملي ليا عـ،ـمل و تحاولي تخـ،ـربي
عليا حياتي بالشكل ده !!!!!!

قالتلي بكل بجـ،ـاحه عشان انتي متستاهليش كل ده
جوزك و فلوسه و شقتك و عربيتك اللي جبهالك
كل ده على ايه ؟ فيكي ايه احسن مـ.ـني ؟
وانا كل ما اتخطب لحد اي كلام كمان الموضوع يبوظ

رديت عليها و قولتلها ” حسبي الله و نعم الوكيل فيكي”
و كل حاجة عملتيها هتترد ليكي ، و طول ما انتي مش
راضية بقضاء ربنا و باصة لرزق غيرك عمرك ما هترتاحي
ابداً ف حياتك و كما تدين تُدان و حقي عند ربنا و مش

عايزه اعرفك تاني و نتقابل عند ربنا وانا مش مسمحاكي
انا خصيمتك ليوم القيامة هو هيجبلي حقي