البشمهندس

أنا حصل معايا موقف ضايق من وقتها

أنا المفروض كان فيه رؤية شرعية لواحدة وانا قلت نتقابل برا أنا وهي و مامتها ووالدتي لاني روحت كلمت والدها ف البيت ومكانتش موجودة أو كانت هربانة بالاصح

المهم نزلنا سوا فطلبت منها تقولي يا بشمهندس ولازم نقول بشمهندس ف كل كلمة لأن دول 5 سنين واي حد ف كلية غير قمه ميعرفش يقدر خالص تعبي ومجهودي فضلت يجي ساعة بحكيلها ع امجاد كلية هندسة و الصعوبات اللي واجهتني وهي ساكتة وبحاول اعدي الوقت المهم

جينا للاخر قلتلها بس فيه حاجة زعلتني منك وحسستني أن فيه حاجة غلط رغم أخلاقك الل الكل يشهد بيها ف قالتلي أيوة اي هيا قلتلها انك قولتي اسمك وسمحتيلي اناديكي أية كدا كان لازم تقولي محمد اول ما أسأل عن اسمك الل هو اسم بابا

راحت قايلالي لا يشيخ قلتلها أيوة ووالدك بردو وانا ف بيتكو نادي ع والدتك عادي كدا ب اسمها فهي قالتلي يعني مامتك اقولها ي طنط ب اسم ابوها ؟ رحت قلتلها لا تقولي ي طنط ام البشمهندس اصلها تعبت معايا اوي ف هي سكتت اه والله سكتت راح قايلي تعالي نمشي ف الويتر جاب الحساب رحت قلتلها
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
لو كنت جيت عندكو البيت مش كنتو هتضايفوني قالتلي اكيد قلتلها طب حاسبي انتي وحاسبت فعلا و قلتلها أنا بعرفك انك لازم ف كل وقت تتي مسئولية نفسك فهي رفضتني بعد المقابلة وقالت للوسيط اني ويرد جدا طب ليه انا عملت ايه