قصة سامحيني يا ابنتي الغالية الجزء الثاني

من وقت ما زوجي اتوفى وانا عايشه لوحدى وماليش اهل مافيش غير اهل جوزى وعلاقتي بيهم كويسه هما صحيح طلبوا فى الاول انى اروح اعيش معاهم واتجوز اخو جوزى الصغير بس انا ما ردتش لانه متجوز وأصغر منى كمان وهما احترموا رأى ورغبتي وسابونى اعيش انا وبنتى وشوية مشاكل فى الشغل بس ما يوصلوش لدرجة أنهم يخطفوا بنتي والجيران علاقتي بيهم عاديه ورجعت فجأه قالت انا افتكرت حاجه.
عز:حاجه غير اللى قولتيها فى المحضر
رهف:ايوه بس مش عارفه دى حاجه مهمه ولا لا
وهل ليها علاقه بفقدان بنتى
عز:اى حاجه مهما تكون فى نظرك بعيده عن الموضوع قوليها
رهف:اصل انا كان فى جار لينا فى المنطقه بيحبني وانا الصراحه كنت مياله ليه بس والدى موافقش عليه لما أتقدم لى عشان أخلاقه وانه كان طالع عليه ان ماشيه مش كويس ومش راجل بتاع جواز واستقرار وانه هيخدنى يبهدلنى معاه وخصوصا انه من عائلته كلها معلمين اصحاب محلات طباعهم غيرنا تماما احنا كنا عائله متعلمه واصحاب وظائف مختلفه فى الحكومه ولما والدى اجبرني على الزواج من والد جنى
اتجوز جرنا اللى كان بيحبني واحده تانيه
واتفاجئت بعد وفاة زوجى بفتره بيخبط عليا فى شقتى وطلب منى اننا نتكلم مع بعض فقولت له بس مش هينفع فى الشقه نبقى نتقابل فى مكان عام ونتكلم
وفعلا قبلته فى مكان عام وجلسنا ولقيته بيعيد عليا طلبه بالزواج مني بس انا قولت له الوقت مش مناسب لان كل اللى مر على وفاة زوجي مده اقل من سنه فياريت تدينى وقت افكر
بصراحه انا كنت شيفاه الشخص المناسب لى لانه بيحبنى من زمان وبصراحه انا كمان كنت مياله له لاصرار على الزواج منى رغم انى اتجوزت وخلفت وجه لحد عندى تانى وطلب ايدى منى للمره التانيه وكمان وعدنى انه هيحافظ عليا وعلى بنتى جنى
واول ما ذكرت اسم بنتها رجعت تبكي تانى وتقول ياترى عامله ايه يابنتى
عز:ان شاء الله ترجعلك فى اقرب وقت بس كملى وايه اللى خلاكى فكرتى ان الموضوع ده له علاقه بضياع بنتك
رهف:ما انا لما هكمل كلامى هتفهم اقصد ايه
المهم حد شافنا من معارف زوجته يعرفنى كويس لانه من نفس المنطقه وبلغ زوجته انه شافنا مع بعض وهى كانت عارفه انه كان بيحبني زمان قبل الزواج منها
عز:تمام وبعدين
رهف:فوجئت بيها جيالى وبتهددنى لو ما بعدتش عن عن جوزها مش هيحصل طيب فبنتي خرجت لما سمعتها بتزعق وحضنت رجليه من تحت
فنظرت إليها زوجته وقالت ركزى فى تربية بنتك بدل ما انتى مركزه فى حاجات تانيه وخلي بالك منها وحفظي عليها
وسابتنى ومشيت وماكنتش مرتاحه لطريقة كلامها بس بصراحه ما اهتمتش وكنا بنتكلم انا وزوجها بس على فترات متابعده وفقا لاتفاقي معاه انه يعطيني فتره افكر
عز:بس معقوله توصل بزوجته الدرجه انها تخطف طفله عشان تبعدي عن جوزها
رهف:كيد النساء يا ستاذ عز يعمل اكتر من كده وخصوصا فى مواضيع الزوجه التانيه والخيانه والكلام ده
عز:مش عارف بس بيتهيألي مش لدرجة انها توادي نفسها فى دهيه
رهف:امال مين طيب اللى هيحرق قلبي على بنتي
طب يمكن يكون اهل جوزي خطفوها عشان هما اللى يربوها وعشان يضغطوا عليا انى اتجوز ابنهم
انا هتجنن
عز:كل ده احتمالات وممكن تكون البنت سرحت ومشيت وراء اى حد وبعدت عنك وتاهت وماعرفتش ترجع
رهف:مش عارفه ان عاوزه بنتي وبس
طب يمكن جارتي اللى اتخنقت معاها عشان عوزانى اسيب الشقه عشان ست وعايشه لوحدى و حست ان زوجها عينه زايغه وبيتربصلى فى الطلعه والنازله
ولايمكن زميلتى اللى فى الشغل اللى اخدت الترقيه بدل منها وهى بتقول انها أحق منى بالترقيه دي
وفضلت تقول يمكن يمكن ….
عز قاطع كلامها:فى ايه يابنتى كل ده يمكن وانا اللى كنت هقولك تحددى شكوكيك ونمشي وراء كل واحد
رهف:انا عارفه بقى انا عقلى اتجنن من التفكير انا ماليش دعوه انا عاوزه بنتي وفضلت تبكي
عز:طب وانتى ما قولتيش كل اليمكن دول فى القسم ليه لما سألوكى
رهف:انا عقلى مش فيا وماكنتش عارفه افكر او اركز فى اى حاجه
عز:طيب اول حاجه كده بكره ان شاء الله نروح نضيف كلامك ده فى المحضر
وانا شايف ان اول طريق نمشي فى موضوع اهل جوزك
الاول هنراقبهم كن بعيد يمكن نلاحظ اى حاجه ولو موصلناش لحاجه بنفسنا نوجه اتهام مباشر ليهم فى المحضر
رهف :طب يالا نروح نراقبهم دلوقتى
عز:دلوقتى فين اصبري بس انا الظابط زميلى قال لى أنهم هيبلغوا كل النقط والأقسام اللى حولينا فى المناطق المجاوره
وهنشوف الاول لو البنت تايه وماحدش خطفها اكيد اللى هيجدها هيسلمها لاقرب قسم ولو ما حصلش هنمشي فى اتجاه انها مخطوفه
رهف :يبقى انزل ادور تانى لحد ما يبلغونا انا مش قادره اقعد وبنتى مش أمام عينى وفى حضنى
عز:طب انا راجع تعبان من مأمورية ومطبق بقالى يومين هدخل انام ساعه ولما اصحى هنزل معاكى مش انتى كنتى عاوزه تفضلى فى المكان اللى ضاعت فيه خليكى منتظره شويه كمان يمكن تعرف ترجع واكون انا قدرت افتح عينى تانى
رهف قعدت وقالت ماشي ادخل نام بس شويه صغيره
يدوب غمض عينه وهى فضلت تلف فى الشقه وتبص من الشباك وتقول لوالده مش قادره اقعد مش قادره انتظر انا هتجنن انا عارفه بنتى فين ولا ايه بيحصل ليها لا مش قادره
والد عز:يابنتى استهدى بالله هتروحى فين انتى مش بتقولى لفيتى المنطقه مائة مره استنى عز لما ينزل معاكى هو له طريقته فى البحث والكل يتمنى يخدمه واول ما هيشوفوه معاكى الكل هيحاول يساعدك ويمكن يكون سبب فى انك تلاقيها
يدوب عز نام نصف ساعه وقالت لوالده مش قادره اقعد اكتر من كده كفايه عليه كده وراحت دخله عليه غرفة نومه وبتقوله اصحى انت ازاى قادر تنام وكأنها بتصحي جوزها قوم انا مش قادره
قام عز وهو ماسك اعصابه لانه حاسس بيها ويفتح عينه بالعافيه وبيقول ليها سبينى انام نص ساعه كمان مش قادر وراجع ينام تانى مسكته من ذراعه مش قادره حرام عليك انا بتعذب انا لولا أن والدك اقنعني ان وجودك معايا افضل وممكن يساعدنى فى العثور على بنتى كنت نزلت لوحدى قوم بقى
عز وهو بيصحى بيقول بينه وبين نفسه ايه المصيبه اللى بليت نفسي بيها دي
وقام ووضع راسه تحت الحنافيه ورجع يلبس لبسه اللى لسه خلعه من نصف ساعه
دخلت عليه وهو بيلبس وبتسحبه من ذراعه انت لسه هتلبس وتتشيك هو ده واقته بذمتك يالا بنتي فى الشارع مش عارفه عنها حاجه
كمل لبسه بسرعه بعد ما والده شدها بره الغرفه وقال ليها ميصحش كده يارهف يا بنتى
رهف :هو انا فيا عقل لليصح واللى مايصحش
خرج عليهم عز بعد ما كنل لبسه وقال ليها اتفضلى امامى
نزلت جرى أمامه وعز شاور لوالده بأيده انها طلعت مجنونه
والده:معلش ياعز الظروف اللى فيها مش قليله برضو اهو تكسب فيها ثواب
وفعلا نزل معاها وفضلوا يلفوا مع بعض وهى كل ما تشوف بنت فى سن بنتها تحضن تفضل فيها وتبكي وهو يسألها هى دي بنتك تقول له لا يقول ليها طب اتفضلى قومى وبلاش فضايح لحد ما شافت بنت من ظهره من بعيد وصرخت وقالت جنى بنتى وجريت عليها بدون تفكير وجري خلفها عز ولما وصلوا…يتبع
الجزء الثالث من هنا