قصة جارنا مراته ماتت وسبتله ٣ صبيان
في واحد جارنا مراته ماتت وسبتله ٣ صبيان اكبرهم كريم في ٣ ابتداء بعد موتها بفتره سمعنا انه داخل علي مشروع جواز وفعلا اتجوز واحده مطلقه متجوزه مرتين قبل كده واطلقت لان كل دكتور راحتله اكد انها مستحيل تخلف.
قال دي انسب واحده عشان عيالي وخصوصا انه بيسافر مش برا مصر بس بعيد عنهم بيجي اجازه كل ٢٠ يوم وهي صغيره في السن اوي وجميله اوي اوي وشيك جداااااا .
وكلنا قلنا واحده ذي دي وبالجمال والشياكه دي ازاي هتربي ٣ اطفال مع مرور الوقت لقينا الاولاد حالهم بيتغير ١٨٠ درجه للاحسن بقو نضاف جدا واسلوبهم في الكلام حلو اوي اوي .
عمرنا ما سمعناها بتزعق لحد فيهم او بتشخط في حد فيهم واشتركتلهم في نادي والولد الكبير بتخليه يتعلم لعب الكارتيه وجبتله مدرسين خصوصين في البيت وال٢ الصغيرين ودتهم حضانه والله كريم مش بينزل غير وقمصه مكوي.
يعني الحلو كله بتعمله معاهم جت مره تعبت اوووي وعشان جوزها في شغله كلمت اخوها وراحو لدكتور قالها انتي
يعني الحلو كله بتعمله معاهم جت مره تعبت اوووي وعشان جوزها في شغله كلمت اخوها وراحو لدكتور قالها انتي حامل نعم حامل ازاي قالها بقولك حامل مصدقتش راحت لدكتور و٢ و٣ قالو نفس الكلام.
وبعد شهر واتنين من الحمل الدكتور قالها انتي حامل في توام يالهوي علي فرحته مش هعرف اوصفها وقضت فتره حملها وطبعا كانت حمل في بنت وولد قبل ولدتها بشويه ابن جوزها الكبير قالها يا ماما عايز اطلب منك طلب وخاف قالتله متخفش يا حبيبي اطلب قالها اختي اللي جايه نفسي اسميها علي اسم ماما بدون تفكير او تردد قالتلها من عنيا يا كريم .
وجت معاد ولدتها جوزها قالها هودي العيال عند عمتهم لحد ما تولدي وتقعودي عند اهلك وتيجي رفضت بشده وقالتله عيالي ال ٣ هيجو معايه بيت اهلي وفعلا اخدتهم معاها قعدت اسبوعين ٣ ولما جت وهي نازله من العربيه لقنها جيبه اغلي شنط للاولاد للمدرسه والحضانه و اغلي جزم وكوتشات واكياس ملينه كرريس وكشاكيل واقلام وانضف واغلي لبس.
والله شوفته بعنيا وفعلا سمت البنت علي اسم ام الاولاد امبارح بقا سمعنا صريخ وعياط طلعنا نشوف في ايه لقينا كريم عمه بيضربه ضرب موت وده عشان مش بيسمع كلام مرات عمه ودي مش اول مره يضرب الواد ويبهدله لقينا مرات ابوه نزله تجري وشدت الواد من دراع عمه وقالتله لولا انك عمه وراجل كبير انا كنت مسحت بيك الارض.
ولو مديت ايدك عليه تاني هقطعهالك قالها دي مش ابنك قالتله دي ابني غصب عنك وغصب عن الدنيا كلها انا عندي ٥ عيالي ٣ بالله العظيم اللي هيقرب من حد فيهم هاكله بسناني وعلي الله ترمش لحد منهم بطرف عينك انا اللي هقفلك.
ومش هعمل حساب لحد وعلي فكره انا اللي قايله لكريم ميسمعش كلام اي حد انا ابني مش خدام عند حد وقعدت مسكت كريم وقالتله بشخطه متعيطش وبقولك قدام الكل متسمعش كلام حد مهما كان انت فاهم.
ولو اتكررت تاني وحد مد ايده عليك يا كريم انا مش هرحمه وبعد الواد ما كان ميت من العياط مسكتش غير لما اخدته في حضنها ومطلعتش الشقه غير لما راحت بيه علي السوبر ماركت جابتله كيس مليان حاجات .
تفتكرو دي يتقال عليها مرات اب
