قصة سامحيني يا ابنتي الغالية الجزء الثالث

وفعلا نزل معاها وفضلوا يلفوا مع بعض وهى كل ما تشوف بنت فى سن بنتها تحضن تفضل فيها وتبكي وهو يسألها هى دي بنتك تقول له لا يقول ليها طب اتفضلى قومى وبلاش فضايح لحد ما شافت بنت من ظهره من بعيد وصرخت وقالت جنى بنتى وجريت عليها بدون تفكير وجري خلفها عز ولما وصلوا وقربت منها وجدتها مش مجرد بنت فى سنها ومرتديه فستان مشابه لفستان بنتها وكأن من لهفة عيونها لرؤية بنتها هيئت لها انها بنتها ورجعت لما وجدتها مش هيا وبعد أن الفرحه لمست قلبها عادت للبكاء والحزن مره اخرى وظلوا يبحثوا هنا وهناك ويسأل عز كل من بالمنطقه عن رؤيته لبنت تائها ولكن دون جدوى فلم يذكر احدهم انه لاحظ بنت تبكي او تبحث عن امها
وبعد أن بحثوا فى كل مكان بالمنطقه وايضا بالأماكن المجاوره
فقال عز لها تعالى نجلس فى اى مكان نستريح ونشرب اى حاجه
فدخلوا مكان وجلسوا وهى عيونها حائره تتفحص الشارع وكل من يمر به
فسألها عز ما حدش اتصل عليكى بيساومك على البنت أو اى شيء
رهف:معرفش
عز؛هو ايه اللى معرفش انتى هتجنينى حد اتصل عليكى ولا لأ
رهف:بجد معرفش اصل تليفونى مفصول شحن من وقت ما ضاعت منى ولسه ماشحنتوش عشان مش معايه شاحن له وهو شاحنه مختلف شويه
عز:وازاى تسيبي تليفونك مقفول من وقتها انتى ايه ما بتفكريش
طب قولى وانا كنت اتصرف فى شاحن كنت اشتريته حتى من اى محل
نده عز على احد العاملين بالمحل وسأله عندك شاحن للتليفون ده
العامل:هات يافندم انا هتصرف واشحنه لحضرتك واخده منه
وهما قاعدين اتصل عز على احد زملائه بالقسم وقال له مافيش اى جديد بخصوص البنت اللى اسمها جنى اللى ضاعت من والدتها
اللى كنت جيتلك معاها
رهف قبل ما يكمل كلامه ها وجدوها رد عليا رد قال ليك ايه
عز :هو لحق يرد عليا دا انا لسه ما كملتش سؤالى اصبري
زميله:للاسف ياعز مافيش جديد
عز وضع راسه فى الأرض يعنى مافيش اي جديد ماشي شكرا ياباشا ومش هوصيك بقى سلام
رهف :يعنى ايه مافيش جديد بنتي راحت فين يبقى اكيد اتخطفت
عز:الظاهر كده يارهف قومى تعالى معايا نروح لزوجة الشخص اللي طلب ايدك ده هو اسم ايه الشخص ده وزوجته اسمها ايه ونده على العامل وطلب منه يجيب التليفون وجابه له وكان اتشحن شويه وفتح
واخدها وراحوا وهما فى الطريق قالت له اسمه مروان وزوجته اسمها حبيبه
لكن لما وصلوا وجدوا مروان بس اللى موجود
فقال له عز انا الظابط عز وجى هنا مع استاذه رهف طبعا حضرتك عارفها
مروان:الا عارفها دي معرفه قديمه اوى بس خير ومش اى معرفه دا احنا تقريبا زى المخطوبين ياباشا ولا ايه يارهف
رهف ماردتش
عز:بنت رهف اختفت واحنا هنا جايين لزوجتك لأن هى راحت لرهف الشقه من فتره كده لما عرفت انك رجعت طلبت ايد رهف مره تانيه بعد وفاة زوجها
وهددتها لو ما نهتش الامر اللى بينها وبينك وافقدتك الامل فى الارتباط بيها مش هيحصل ليها طيب
مروان :تقصد حضرتك انك شاكك ان حبيبه مراتى تكون خطفت جنى بنت رهف عشان تهددها وتبعدها عني لا خالص مراتى لا يمكن تفكر بالشكل ده خالص او تعمل كده
هى صحيح من وقت ماعرفت موضوعنا انا ورهف وهى قالبه الدنيا وسايبه البيت وقاعده عند اهلها بس ما يوصلش الامر بيها للخطف وانها تودى نفسها فى دهيه
عز:وليه لا
ما تقولش ليه انها حبت تحرق قلب رهف على بنتها زى ما هيا فاهمه ان رهف هتاخدك منها وهتحرق قلبها او ان رهف تتلهى فى ضياع بنتها منها وتنساك وتبعد عنك او انها تهددها وتقرص ودنها عشان تبعد عنك مش كل دى احتمالات وارده برضو
مروان سرح شويه ورجع قال ولو
مراتى لا يمكن تعمل كده
عز:والله هنشوف
طب ممكن تدينا عنوان أهلها اللى قاعده عندهم وياريت حضرتك ماتحولش تعرفها اننا رايحين ليها عشان احنا عاوزين نفاجئها عشان ماتعملش حسابها وتتصرف اى تصرف يعصب علينا المهمه
وفعلا اخدوا عنوانها واتجهوا إليها
وعندما وصلوا فتحت ليهم والدتها
قالت ليهم مين انتم وعاوزين ايه
عز؛اناوالظابط عز ودى رهف كنا عاوزين استاذه حبيبه لو سمحتى
كان فى خارجة حبيبه من غرفتها وشافتهم
واول ما شافت رهف وسمعت ان معاها ظابط
قالت ايه ياخاطفت الرجاله اللى جايبه لحد بيت أهلى ادينى سبتيلك بيت جوزى عشان تشبعي بيه
وجيه ليا وجايبه معاكى ظابط ايه هيعملى ايه الظابط هتخوفينى
بيه مثلا وتجبرينى اسيبلك جوزي
عز:اتكلمى كويس يامدام ايه جيبالك ظابط يخوفك دى
حبيبه:امال ايه سبب زيارتكم الغريبه دى
عز :احنا جايين نبحث عن بنت رهف
حبيبه:ايه فكريني انى انا اللى خطفتها ليه هو انا مجنونه بس اقولك لو فى حاجه هقدر اعملها عشان احرق قلبها زى ما حرقت قلبي على جوزي وبيتى بس اهو ربنا اخد لى حقي ابقى خلي مروان ينفعك ولا يعوضك عن جنى بنتك
عز:يعنى مش انتى اللى خطفتيها
حبيبه ضحكة بسخريه انا اخطفها على العموم عندكم البيت اهو فتشوا فيه زى ما انتوا عاوزين ورونى هتلاقوها ازاى بس الاول انتوا معاكم امر من النيابه بالتفتيش ولا صحيح انت ظابط واكيد عامل حسابك اتفضلوا دوروا ورجعت دخلت غرفتها وسابتهم
دخلا رهف تبحث فى كل غرفه وكل مكان وكذلك عز
ووالدتهم تقول ليهم انتوا بتعملوا ايه احنا ما بنخطفش حد اللى بيخطف اللى أمامك دي
لحد ما عز خرج من غرفه وشايل بنت كانت نايمه على السرير
وبينده على رهف وبيقول ليها هى دي بنتك يارهف
أسرعت رهف مهروله من المكان اللى كانت بتبحث فيه وبتتخبط فى كل حاجه أمامها وهى بتقول جنى بنتي لقيتها واول ما ظهر أمامها بالبنت اللى شايلها صرخت وقالت…يتبع
الجزء الرابع من هنا