قصة سامحيني يا ابنتي الغالية الجزء السادس

ركز عز مع يوسف وقال له فى ايه مالك
يوسف عاوز اقولك حاجه بس واحنا لوحدينا
عز قاله تعالى ياسيدى عن اذنكم ياجماعه
وبعد ما بعدوا
عز في ايه عاوز تقول ايه
يوسف قال له بصوت واطى بابا انا بيتهيألي ان الراجل ده هو اللى كان واخد جنى
عز:انت متأكد يايوسف
يوسف:بصراحه مش متأكد بس اول ما دخل علينا حسيته هو وافتكرت وقت ما كان البنت بتبكي وهو عمال يحايل فيها واخر ما زهق شالها ومشي وصوته اول ما اتكلم رن فى ودانى
بس اللى مخليني مش متأكد انى ماشوفتهوش من وجهه بس احساسي بيقول لى انه هو جسمه وشعره وهيئته وصوته كل ما بيتكلم كلمه بيزيد شكي
عز:طب بقولك ايه ما دام مش متأكد يا يوسف ما تجبش سيره وانا هتصرف
يوسف :حاضر يابابا يعنى مش هنقول لوالدت جنى هو مين ده يا بابا هو يقرب ليهم
عز ماردش عليه
و فضل يفكر يتأكد ازاى من كلام يوسف ابنه ومن غير مايوقع بين رهف ومروان لمجرد كلام عيل وكمان بيقول انه مش متأكد لانه ما شافش وجهه وده معناه ان احتمال كبير يكون اتهيأ ليوسف انه هو او واحد فى شبه منه
لحد ما خطر على باله فكره
ظبط تليفونه على منبه بعد دقيقتين
ورجع وقف معاهم وبيكلم رهف عادى
وقال معلش بقى هقطع كلامكم
مروان:لا ابدا
عز:ها يارهف مش هترجعى معايا ولا ايه ولا هتفضلى مع مروان
ولسه هيكمل كلامه
جرس المنبه الخاص بتليفونه رن فعمل كأن حد بيرن عليه
فقال ثوانى ارد على المكالمه وبعد خطوتين وقال ايوه يا باشا اكيد مادام اتصلت عليا يبقى فى جديد ولا ايه
وعمل كأن اللى بيكلمه بيقول له اخبار عن بنت جنى ورجع رد عليه الف شكر يا باشا وأنهى المكالمه
ورجع ليهم وقال لرهف فى اخبار كويسه
رهف ايه وجدوا جنى
عز:لا لسه بس تتبعوا الكاميرات من المكان اللى اتخدت فيه لحد ما وصلوا لكاميرات وضحت مكان وجودها وبيطلعوا امر نيابه لاقتحام المكان
رهف بجد طب يالا بسرعه يالا نروح لزميلك ده عشان نعرف منه كل حاجه يالا
عز تمام يالا بينا
مروان واقف مكانه بدون كلام
ورهف من فرحتها بالخبر اللى ياعينى ماتعرفش انه خبر بمثابة مصيده وليس خبر حقيقي
ما اخدتش بالها من رد فعل مروان
عز بص لمروان وسرحانه وسكوته وقال له ايه يا مروان مش جي معانا
مروان ؛ها اه اه طبعا بس هروح مشوار مهم وهتابع مع رهف وهرجع من المشوار عليكم مش هتأخر عليكم
عز :تمام يالا يارهف يالا يا يوسف
واخدهم ومشي وبعد ما بعد شويه بيهم عن مروان اوقفهم وراقب مروان من بعيد
رهف: فى ايه ياعز وقفت ليه انا مش قادره استنى يالا والنبي بسرعه
عز :هنراقب مروان
رهف:تراقب مروان ليه ومش هنروح لزميلك
عز:معلش يارهف انا قولت كده عشان كنت عاوز اتأكد من حاجه
رهف: يعنى ماعرفوش مكان بنتى ولا حاجه
عز:للاسف لا
رهف:لا ازاى يعنى وحاجة ايه دى اللى تخليك تلعب بمشاعرى بالشكل ده
عز:تعالوا ورايا بس دلوقتى وهفهمك
رهف:انا مش متحركه الا لما افهم
عز شدها وفضلوا يتتبعوا مروان
رهف :فهمنى احنا ليه بنراقب مروان
عز:يوسف لما شاف مروان قال لى انه شاكك انه هو اللى اخد جنى فأنا قولت أمامه كده عشان اشوف رد فعله
اخدتى بالك انه مارداش يجي معاكى رغم أهمية الخبر انك هتجدى بنتك والمفروض يكون اول واحد جنبك فى الوقت ده
رهف:تقصد ايه
عز:لو هو اللى خطف جنى وسمع ان اتعرف المكان اللى فيه اكيد هيعوز يلحق يروح المكان اللى مخبيها فيه عشان ينقلها منه ولا ايه
رهف:مروان اللى خطف جنى طب ليه انا مش فاهمه حاجه
عز:دلوقتى نعرف
وفضلوا ماشيين وراه وهو عمال يحاول يتصل على حد بس واضح ان الرقم اللى بيرن عليه يا مغلق يا مابيردش عليه
الغريبه بقى أنهم لما فضلوا ماشيين وراه وجدوه وصل عند الشارع اللى اهل جوز رهف الله يرحمه عايشين فيه
رهف:رايح فين ده ويعرف مين هنا ده
وكانت المفاجأه انه دخل بيت اهل زوجها ورهف وقفت هتتجنن ايه جابه عندهم وايه لم الشامى على المغربي انا مش فاهمه حاجه
ولسه عز بيبص عليها وبيقول ليه ربنا واحده اللى يعلم
ما وجدهاش بجانبه
اتريها سابته وجريت على بيت اهل جوزها عشان تشوف ايه اللى جاب مروان هنا
عز فضل ينده عليها انها تصبر لحد ما نشوف هنتصرف ازاى
بس كانت هيا بتخبط على بابهم وفتحوا الباب ودخلت
الجزء السابع قبل الأخير من هنا