قصة جارتي بتنيمني عن طريق اكل الجزء الثاني
اقسم بالله اترعبت . الواد اصغر منى انا ب 4 سنين .. هو عنده 29 سنه ؟ طب وبعدين . البصه دى معناها ايه ؟ ماكنش ف ايدى حاجه غير انى احاول انكش مراته باى حوارات او اى كلام حتى من بعيد لبعيد . انا قلبي مش متطمن ومش هستريح غير لما أعرف فيه ايه وايه الحكايه ….
بعد 3 ساعات كده قُرب الساعه 9 ونص لقيت مراته بتتصل بيا وبتقولى نمتى انتى والعيال ولا لسا ؟ قولتلها لا صاحيين . كنت بكلم جوزى ولسا قافل .. ليه خير ؟ قالتلى اصل لقيت جوزى جايب كيسين من بتوع الكيك ده وعملت صينيتين واحده لينا وواحده ليكى انتى والعيال …
افتحى خدى الصينيه بتاعتك …. انا فعلا اتأكدت دلوقتى ان فيه حاجه غلط بتحصل ,,,, قولتلها ماشي انا فتحت باب الشقه تعالى …. أخدت منها الصينيه فعلا وشكرتها وقولتلها تسلم ايديكى ….
Advertisements
وطبعا خدتها ورميتها مكلتش منها زى كل مره لنا ولا العيال ….. وبعدين كنت بدأت اسقط من قلة النوم وانى بقالى 48 ساعه صاحيه ومنمتش وبدات اتعب ,, قومت على الساعه 2 بالليل كده اعملى كوباية قهوه كبيره تفوقنى وتصحصحنى …
شربتها بس بعد نص ساعه دماغى بردو تقلت .. وفجأأأأأأه حسيت ان باب الشقه بيتلغوش وبيتخربش وحد تقريبا بيحاول يدخل .. جوزى ده مش ميعاده ولسا مكلماه بالليل وقالى انه هينام ,,,,
واللى جه ف دماغى توقعته …. هو بعينه .. جوز البت جارتى دى بيحاول يدخل ,,,
