اين زوجي الجزء الاول
القصة التي حيرت العقول
استيقظ شريف من نومه فرأي نفسه مقيدا في السرير امامه زوجته تنظر اليه في غضب وقد عزمت علي قتله حرقا راي هذا المنظر تعجب وقال ..
شريف .. ايه ده !! ايه اللي كتفني كدا ؟!!
لمياء .. انت مين ؟!!
شريف .. انا مين !!! انا جوزك اشرف يا لمياء انتي اللي ربطيني كدا ؟!! وايه اللي حصل امبارح انا مش فاكر حاجة ؟ انا اخر حاجة فاكرها قلتلك عايز اشرب فنجان قهوة . ايوه وبعد كدا تهت عن الدنيا
لمياء .. لاخر مرة هسألك انت مين ؟!
شريف .. قلتلك انا اشرف جوزك وازاي تربطيني بالشكل دا ؟!! انتي اكيد اتجننتي !! فكيني بسرعة
لمياء .. انت كداب انت مش اشرف انت واحد تاني .. اشرف جوزي فين بقلك ؟!!
شريف .. لا انتي فعلا اتجننتي !!
لمياء .. انا فعلا اتجننت ثم تمسك بجركن بنزين وتسكب البنزين في كل مكان
شريف .. انتي هتعملي ايه ؟!!
لمياء .. هحرقك لو مقلتش حالا انت مين وفين اشرف ؟
شريف .. انا جوزك اشرف يا لمياء وابو عيالك هيثم ووائل ومنار .. انتي مالك بس ؟؟!
لمياء .. انت مش جوزي انت كداب امبارح بس ومن غير قصد عرفت انك مش اشرف هتنطق ولا اولع فيك وفي نفسي واخلص
شريف .. خلاص هقلك علي كل حاجة .. انا شريف اخو اشرف التوأم
لمياء .. توأم !!!!
لمياء .. توأم !!! فعلا انت اسمك شريف .. بس انت مش اخو اشرف .. انت كداب .. انت واحد شبهوا
شريف .. صدقيني انا اخو اشرف التوأم .. وبعدين انتي عرفتي ازاي اني اسمي شريف ؟!!
لمياء .. من بطاقتك الحقيقية اللي كنت مخبيها جوة شنطة قديمة في السندره .. انت اسمك شريف احمد محمود .. وانا اشرف جوزي اسمه اشرف محمد ابو طالب تبقي ازاي اخوه انت مصر علي الكدب طيب انا هوريك ثم تشعل عود الثقاب وتريد اشعال الغرفة التي ملأتها بالبنزين
شريف منزعج .. استني يا مجنونه اقسم بالله انا اخو اشرف التوأم .. انا مش كداب والله واقري تاريخ الميلاد علي البطاقة هتلاقية نفس تاريخ ميلاد اشرف جوزك
لمياء .. يعني انت مش اشرف بجد ؟!!! انا حاسة بكدا وعايش معايا بقالك عشر سنين علي انك هو!!! .. والعيال اللي خلفتها دي تبقي عيالك انت !!! انت ازاي تعمل كدا ؟!! وفين اشرف جوزي انطق
شريف .. اشرف جوزك مات يوم فرحكم .. بس صدقيني مكنش قصدي اقتله ..
لمياء .. مات !!! مات ازاي ؟!!
شريف .. انا هقلك علي كل حاجة
.. انتي عرفة طبعا ان اشرف من عيلة غنية .. زمان من خمسة وتلاتين سنة لما ماما جت تولدني انا واشرف مكنش في ايامها سونار والكلام ده عشان تعرف ان اللي في بطنها ولد او بنت او واحد او اكتر فدخلت المستشفي عشان تولد زي اي ست في نفس التوقيت كان في واحدة ست جوزها صاحب ورشة ميكانيكا سيارات ولدت قبل كدا اربع بنات
ودخلت تولد الخامس وجوزها حلف عليها لو مجابتش الولد المرة دي هتكون طالق وولدت وجابت ولد بس للأسف مات بعدها بلحظات مكنتش عرفة تعمل ايه بعدها بلحظات ولدت امي وجابتني انا واشرف ولأن الممرضه كانت مش كويسة .
وفي نفس الوقت كانت معرفة للست دي مرات الميكانيكي اقترحت عليها انها تاخدني انا وتديني ليها وفي نفس الوقت تقول لأمي الحقيقية ان واحد من اولادها مات وبكدا تبقي اتحلت المشكلة وفعلا اخدتني الست دي علي اني ابنها
وكبرت في بيت مش بيتي وسط ناس مش اهلي ابويا بدل ما يعلمني اقرا واكتب علمني ازاي اصلح عربية
وفي نفس الوقت كان اشرف اخويا بيتعلم لغات لحد ما بقي مهندس اد الدنيا وانا زي ما انا حتة ميكانيكي في ورشة ابوة .. هو اتمتع بحنان ابوه وامه وانا عمري ما حسيت بأي حب ناحية الناس اللي خطفوني دايما حاسس بالغربة وسطهم لحد ما جه اليوم اللي امي……..يتبع
