قصة سامحيني يا ابنتي الغالية الجزء السابع
ولسه عز بيبص عليها وبيقول ليه ربنا واحده اللى يعلم
ما وجدهاش بجانبه
اتريها سابته وجريت على بيت اهل جوزها عشان تشوف ايه اللى جاب مروان هنا
عز فضل ينده عليها انها تصبر لحد ما نشوف هنتصرف ازاى
بس كانت هيا بتخبط على بابهم وفتحوا الباب ودخلت رهف وهى بتقول بنتي فين ياخطافين الأطفال
واتجهت لمروان وفضلت تضرب فيه بالكفوف وتقول له انت الل خطفت بنتى هى فين انطق
مروان ابعدها عنه وهو بيقول مالك يارهف بنتك ايه اللى هخطفها
رهف:مش عارف بنتي ايه يا خطاف الاطفال عملت ليك ايه انا عشان تتفق معاهم على خطف بنتى وانا اللى كنت بفكر يوم من الايام اامنك عليا وعلى بنتي
مروان بهدوء:انتى ايه الكلام اللى بتقوليه ده يارهف انتى شاكه فيا انى انا اللى خطفت جنى بنتك بقى كده ماشي يارهف ما كنتش اتوقع كده منك ابدا انا يارهف تشكى فيا كده دى جتى بنتى زي ماهى بنتك يارهف
رهف بزعيق:انت بتستعبط ولما مش انت ايه اللى جيبك هنا
والدت زوجها:انتى تانى يارهف انتى مافيش فايده فيكى هو انا مش طرداكى من هنا ايه اللى جيبك تانى
رهف:اللى جبني هنا عشان اشوف العصابه اللى اتجمعوا واتفقوا على خطف بنتي
والدت زوجها:تانى قلة أدبك اطلعى بره
مروان:وانا هتفق معاهم على خطف بنتك ليه
رهف:امال ايه جمعكم على بعض
والدت زوجها :والله دا مايخصكيش حاجه خاصه مالهاش علاقه بيكى ولا ببنتك
رهف:عاوزين تفهموني ان معرفتكم ببعض صدفه عبيطه انا بقى عشان أصدق
مروان:لا هى فعلا مش صدفه ولا حاجه
كل الحكايه
والدت زوجها:انتوا هتضيفه هنا وتقعدوا تتحاكوا اتفضلوا من هنا واحكى ليها بعيد عن هنا كفايه فضايح كل ساعه والثانيه الهانم تيجى وتعملها لينا
مروان مسك ذراع رهف وقال تعالى معايا وانا هفهمك كل حاجه
رهف :انا مش خارجه من هنا الا وبنتى فى حضنى
والدت زوجها:لا دا انتى اتجننتى بقى وانا هجيب اللى يرميكى بالشارع
كان فى دخلت عز
والدت زوجها:اتفضل حضرتك ما هو اصل بيت مالوش حرمه انا مش هسكت على التهجم على بيوت الناس بالشكل ده احنا عندنا محامين يعرفوا ياخدوا لينا حقنا
عز بص ليها من فوق لتحت وقال ماينفعش أقف ارد على حرمه لما رجالتك يرجعوا ليا كلام تانى معاهم
وقال لرهف تعالى معايا وخلى الامور تمشي رسمى وقانونى انا راجل قانون ولازم كل خطوه ليا تكون بالقانون
رهف :انا قولت مش هخرج من هنا الا لو بنتى معايا
مروان:تعالى بس معايا وانا هحكى ليكى كل حاجه
واخدوها وخرجوا واول ما خرجوا من البيت
رهف بصت لمروان انا مش هتخرك خطوه واحده الا لما افهم انت جى عندهم هنا ليه وايه العلاقه اللى بينك وبين اهل زوجى
مروان:كل اللى حصل ان لما مراتى عرفت اننا بنتقابل وانى طلبت ايدك للجواز
ماسبتش حاجه ممكن تبعدنا انا وانتى عن بعض الا لما عملتها جتلك وهددتك وهددتنى انها هتسيب البيت وهترفع قاضية طلاق وكمان فضلت تسأل عن اهل جوزك عشان تبلغهم انك ناويه تتجوزى عشان يضغطوا عليكى انك لو اتجوزتى هياخدوا منك بنتك غصب
فأتفجئت بيهم بعتوا ليا مرسال عشان اروح ليهم وانا ما كنتش هناك وقتها فسابوا لي خبر مع البواب انى اروح ليهم وسابوا معاه العنوان ولما روحت اول مره واتكلمت معاهم فهمت من كلامهم ان كل اللى يهمهم بنت ابنهم مش انتى فقالوا لى والله لو قدرت تقنعها انها تتنازل عن حضانة البنت يبقى مبروك هيا عليك إنما غير كده يبقى تبعت وانت على البر احسن لان مش هيحصل طيب لا ليك ولا ليها والبنت وقتها هتكون تحت ادينا حتى لو هنخطفها
فأنا قولت ليهم صعب ان أقنعها تسيب بنتها وانا لو مجرد فتحت معاها حاجه زى كده هتسبني وترفض الزواج منى
فرجعوا قالوا لى يبقى تبعد عنها احنا هنزوجها ابننا
فقولت لا مش هقدر ابعد فقالوا يبقى كانك ما سمعتش حاجه من اللى قلناها ليك ولو فتحت فمك بأى كلمه يبقى وقتها خاف على ابنك
فأنا لما عرفت ان الشرطه عرفوا مكان بنتك خوفت ليكونوا هما اللى اخدوها ويفتكروا انى انا اللى بلغت عنهم أنهم هما اللى خطفوها فخوفت على ابنى منهم لا يأذوه فعشان كده روحت اتأكد أنهم مش هما وراء خطف البنت
عز :معنى كلامك أنهم لو هما وراء خطف بنتها كنت هتحذرها ان البوليس عرف مكانها
سكت مروان وماردش
رهف زعقت فيه ما ترد كل اللى يهمك انفسك وابنك وبس إنما أنا والنار اللى فيها وبنتي اللى خطفت مش فارقين معاك يا انانى وعارف أن هما اللى ممكن يكونوا خطفوه وما كلفتش نفسك تعرفنى او تحذرني انا بكرهك غور من وجهي غور
بصراحه انا خوفت أحذرك فى الاول عشان حاجتين خوفا لا تروحى ليهم وتتخنقى معاهم وفى الوفت ده هيعرفوا انى قولتلك فممكن يأذوا ابني او انك تختارى الاختيار الاسهل وتبعدي عنى وترفضي الارتباط بي خوفا على بنتك
ولما عرفت ان جنى اتخطفت بصراحه خوفت اقولك لانى مش متأكد انهم هما اللى عملوا كده ومش هينوبني غير اذاهم لابنى لما أبلغ عنهم وممكن يكونوا مش هما
عز:انت لازم تيجي معايا تقول الكلام ده فى النيابه
مروان :اقول ايه هو حد قالك انى مستغنى عن ابنى
عز:لما تقول كل حاجه الشرطه هتحميك وهما مش هيقدروا وقتها يعملوا معاك حاجه
مروان:لا مش هقدر
رهف بثقت فى وجهه وقالت له انت مش راجل وانا ندمانه على كل لحظه فكرت فيها ان ارتبط بيك
عز:بس انت لو ماجتش معايا تقول الكلام احنا هنقدم فيك بلاغ بأنك اللى اشتركت فى خطف جنى
مروان:وانا هقول لا خطفت حد ولا اعرف اى حاجه عن الموضوع دا كان مجرد كلام وشك والله واعلم ايه اللى حصل فعلا ووالدت زوجها كلامها معايا أنهم ماخطفوهاش
ولسه هيسبهم ويمشوا
عز:طب على فكره بقى ابني شافك وانت بتخطف جنى بنفسك يعنى كل القصه اللى حكتها دى انت اللى مألفها وانا بكلام ابني وبكلامك اللى قولته دلوقتى واللى سجلته ليك وبعلاقاتى هشيلك الشيله إنما لو ساعدتنا وعرفتنا الحقيقه وقتها كل اللى هيهمنا ان جنى ترجع لأمها والمسامح كريم
مروان :ابنك ايه اللى شافنى
الكلام ده ما حصلش طبعا وانا هخطفها ليه وبعدين بقول ليكم ايه هو اي كلام عيل صغير يقوله هيتصدق
بقولكم ايه اللى تقدروا عليه اعملوه انا ما خطفتش حد سلام
وسابهم ومشي
عز بص لرهف حلو كده تسرعك ده لو كنتى صبرتي لحد ما شوفنا ايه اللى هيحصل كان اكيد هيروحوا ينقلوا البنت من المكان اللى وضعتها فيه لو هما خطفنها
رهف بقولك ايه ياعز كان صعب انى اصبر انت ماتعرفش احساس الام اللى بنتها مش بين احضنها ومخطوفه ومش عارفه عنها حاجه انا تصرفاتى مش بأيدى ولا بعقلى بس اقولك انا عرفت انا هرجع بنتى ازاى اللى اتاخد بالسلب مش هيرجع غير بنفس الأسلوب
عز:انت تقصدى ايه يارهف اوعى يكون اللى جه فى بالى
رهف:هتعرف هعمل ايه لما يحصل
عز:،فهميني ناويه على ايه يارهف بلاش تهور
رهف:تهور انا بنتى مخطوفه يا عز مخطوفه
ولازم ارجعها…
الجزء الثامن والأخير من هنا
